URIME PRESIDENT!
Sot, me daten 6 qershor,
Në menyrë virtuale,
Prej së largu në Diaspor,
Urime, ditëlindjes tande !
Me ekranin prestigjioz,
Si shkodran’ që i ban tetana,
Presidenti ma famoz,
Gëzuar diten kur t’lindi nana !
Dua t’i përgjigjem ndjenjave,
Në mënyren ma t’sinqertë,
O urë lillës i t’gjitha trevave,
Fama jote ka prekë “retë”…
Nga largë, prapë po të uroj,
Kënaqesi na jep prej vitesh,
Presidenti i Blue Sky,
Rrofsh sa kodrat e Berdicës…!
“”””””””””””””””””””””
“BANJO PUBLIKE”
Eh, medet, liderët tanë,
Grinden, duke ba zhurmuesin,
Me plot gojë, me nder me thanë,
Jane ba me u pshurrë statusin.
Vesin nuk e kane harruar,
Sikur “Ai”, zot dhe shkop,
Mandatojne te pa shkolluar,
I perdorin “mish per top”.
Po kalon ditë të vështira,
Shqipëri shpresa të vdiq,
Ku i more këta kopila,
Që të zhveshen lakuriq.
Kopilat t’i lanë pas deret,
Kopje e “kuqe”, identike,
Ndaj kjo logo, që permjeret,
Ngjan si një banjo publike.
Qytetari ngusht asht zanë,
Liron kotramen e rrypit,
Kalimtaret, prej matanë:
Eh, t’lumte maja e bishtagypit.
VEBI KURTAJ
“””””””””””””””””””
U THA U BA…
Ate që e tha, e bani,
Ja që e mbajti premtimin,
Presidetja, Zonja Osmani,
Rrënjsisht e bëri ndryshimin !
Çfarë ndryshimi bani kjo ?
-Shprehet baca, gjithë maraz,
Kosova në vendnumëro,
Po ban vetëm hapa pas…
O bac, mos e humb durimin
-I thanë: -mos u keqkupto,
Tybe, e ka mbajtë premtimin,
Eh, per çfarë, e din “Ajo”…
Hallallë të qoftë, o presidente,
Me ju po na “buzeqesh” fati,
Me shpenzime marramendëse,
Ke hequr shumë “okë” nga shtati !
Eleganca të jep vlera,
Kur të pashe u befasova,
Dikur, nuk të zinte dera,
Sot më ngjanë si miss Kosova !
-He, bablok, -i thanë më vonë,
S’ka pse të humbasë durimi,
S’ka si presidentet tonë,
E kupton ku është ndryshimi ?
VEBI KURTAJ
“”””””””””””””””
NAMAZI I RAMAZANIT
Dita e pare e ramazanit,
Po fillon moti i nxehtë,
I uroj çdo muslimanit,
Agjerim sa më të lehtë.
Lart, drejt qiellit, në hava,
Atje ku është e verteta,
Kush beson, të bëjmë duva:
-Na ndihmofshin këto ditë t’ shenjta.!
Kur t’ vinë dita, per bajram,
Në çdo shtëpi e në çdo voter,
Katolik e musliman,
T’ festojnë bashkë, në një sofer.
Se shqiptarët kanë një zot,
Janë të lashtë e kanë një gjak,
Është i vetmi komb në botë,
Që bashkëjeton si një konak.
