=KUR DOLA NË VERMOSH SIKUR ================HIPA NË QIELL !==
Kur u ngjita lart në Vermosh
Sikur u ngjita atje në qiell
Naten fjeta pyjeve me hënën
Diten shetita mrizeve me diell!
U perqafova njënganjë me malet
Si burri takohet kokë më kokë me burrë
Njeri më dukej krejt si Prek Cali
Tjetri shembllente si Bajram Curr!
Neper rrugë,shpate,male e leqe
Në pyje ku mrizojnë shtojzovallet
Ku s’i hedh dot sytë nga thellësi e keqe
Se të duket se sheh fantazma legjendash!
Ngjyrat,njerzit, veshjet,si ngjyra ylber
Ku nga shtatë bjeshket zbresin vajzat hipnotizuese
Dhe malet lidhur sikur hedhin vallen në erë
Në logun e zanave kur zbresin si nuse!
Dhe kur etja buzët mi zhuriti mua
Shkova te dy gurrat që s’i kisha dëgjuar kurrë
Gurra e Smutiroges -uji i mirë per grua
Dhe Gurra e Seferces uji i bekuar per burrë!
Dhe në qafë të Perdelecit u ula me pushue
Ku dikur burrat mblidheshin në kuvend
Sot si teater per miset që zanat kanë ndertue
Ku hyjnore nuset shëndrijnë nur e shend!
Dhe në bjeshkë me zanat u ula me mrizue
Dhe hipur mbi kal mes miseve si dhënderr
Sa shpejt më doli gjumi e jam kujtue
Se ishte veç deshirë, ishte veç ëndërr
Mëhill Marku
10.09.2020 17:35
