4.5 C
Tiranë
E enjte, 13 Shkurt 2025

Mercedes Gega

Kush eshte poetja “Mercedes Gega”?Mund të jetë një imazh i 1 person

Mercedes Gega ka lindur më 27.09.1980 në Dërmënas, Fier. Ka përfunduar studimet e larta plus master profesional në universitetin “ALeksandër Xhuvani” Elbasan në degën “Gjuhë dhe letërsi shqipe”, profili mësuesi. Veprat e botuara: “Një copëz jetë”, Poezi, “GlobusR” – Tiranë 2007 “Fjalët e pathëna”, Poezi, “Morava” – Tiranë 2011. “Vjeshta është shtëpia ime” – Ombra GVG- Tiranë 2020 Boton rregullisht ne shtypin e shkruar dhe atë on-line. Jeton në Korfuz-Greqi prej vitit 2015.Poetes i urojm suksese, ne rrugtimin e saje te bukure s’bashku me fjalen poetike.  Gjin Musa,botues.

 

Sot

 

Sot mbush  fiks një jetë që dje!

 

Toka ende rrotullohet…

Unë fle të mos ndiej turravrapin e saj…

Nën çarçafë nata  numëron sa vende më kanë ngelur

pa kafshuar ende nga pyetja retorike:

“Përse duhet të dashurosh si fëmijë?…”

 

Fiks një lumë drite mes nesh nga dje!

 

Uji i ftohtë m’i bën bashkë copëzat e mëngjesit në sy!

Marramendem…

…rrjedhës së ujit i dorëzoj fytyrën…

ajo më  kthen këngë zogjsh…

Zhurma makinash…

Përshëndetje formale…

Hapa të përgjumur…

Puthje të padhëna…

Një qytet zgjohet brenda meje…

Fiks  një jetë nga dje…!

“””””””””””””””””””””

Përqafimit tënd…

Heshtim…

Sonte mos kërkohemi në fjalë!

Lermë…

Përqafimit tënd të derdhem

Si shirat e vjeshtës brazdave të tokës së tharë…

 

Pastaj…

Mblidhmë puthjesh çdo psherërimë largësie…

Frymëmbahem…

Kam kaq mall sonte…

teje, të ndjehem e gjallë…

“”””””””””””””””””””””Mund të jetë një imazh i 1 person, lule dhe ambiente të jashtme

Aromë dashuri…
Ra dhe gjethja e katërt këtë mëngjes
Gushës së tokës iu bë hajmali
Aromë vjeshte vesh trupit dit’ e re
Aromë frutash përzjerë dashuri…

“”””””””””””””””””””””

Triumfi i kotësisë
(Pjesë nga libër-projekti me fabula)
Pylli jonë është pyll me nam
Dhe pse është sa një nishan
Po kjo nuk ngre dhe peshë të madhe
Vlerë e tij është ashiqare!
Mbase në pamje të parë
Duket paksa tollovi
Po këtu rrëmuja është me rregulla
Ligji i parë: “Po munde, rri”!
Kafshët tona janë me klas
Nuk e hanë kot barin, jo,
Këtu liria është e shenjtë
Ndaj dhe çdokush bën çfarë do!
Këtu s’ka komplekse fare
Parajsë s’është, po aty afër
Këtu dosa del MISS pylli
Dhelpra është kryegjyqtare!
Dale, prit, mos na gjykoni
S’është se s’kemi dhe debate
Çështje ditës: “Mjalti i Bletës”
Na ka ngelur nëpër rafte!
Ka dy muaj a ca më shumë
Grerëza na ka hapur gjyq:
-Bleta shet, pse jo dhe unë
Që si bleta kam prodhim?
Dhe liria jonë e shenjtë
Thellë në bazë këtë synon:
“Rrugë e mbarë”, për kë të mundet!
“Rrugë e mbarë”, për kë s’pranon!
Siç ju thash jemi të famshëm
Por punuam për këtë ditë
Ditë për ditë ngritëm rrëmujën
Rroftë “Triumfi i kotësisë”!
M.Gega

 

 

 

 

 

 

 

 

 

 

Plot

Tani dhe unë…

Vjeshtë e poezi…

…dhe bota një unazë e re drite

në përtëritjen e një martese dje-sh…

Frymëmarrje…

Plot.

 

 

 

 

Gjin Musa
Gjin Musahttp://dritare.info/
Dritare.Info Gjin Musa, Botues
Shkrimet e fundit
Lajme relevante

LINI NJË PËRGJIGJE

Ju lutemi shkruani komentin tuaj!
Ju lutem, shkruani emrin tuaj këtu

This site uses Akismet to reduce spam. Learn how your comment data is processed.