Me kënaqësi të veçantë, ndaj me publikun veprën artistike
“Nata de Terra” (“E lindur nga Toka”), krijim i thellë dhe frymëzues, realizuar nga Marsel Fregjaj, një figurë me vlera për komunitetin shqiptar në Montreal dhe më gjerë.
Artisti Marsel Fregjaj duke i lexuar poezitë e mia ku si burim frymëzimi e kanë Atdheun, nëpër rrugën e gjatë drejtë Lirisë qê kaloi Kosova. Gjatë një eventi të komunitetit shqiptar në Montreal m’u drejtua me këto fjalë :
Ti je Bijë Dardane me plotë kuptimin e fjalës. E ndjeni si borgj t’i këndoni me penën tuaj Tokës Mëmë me shumë përkushtim dhe dashuri. Ju e meritoni një vepër të kompozuar nga unë. Artisti M. Fregjaj një vepër të tillë me parë e kishte krijuar për gazetarin e njohur Ilir Ikonomin, Zëvendës Ministren Donika Gërvallën në Montreal si dhe për një seri personazhesh atdhetare.
Ai gërsheton një formim të shkëlqyer akademik e profesional, në menaxhim biznesi, financa, tregti ndërkombëtare etj. Por me një pasion të kultivuar në artin figurativ dhe vizual, të ndërtuar përmes më shumë se një dekade studimesh të specializuara. Me një përkushtim të palëkundur ndaj çështjes kombëtare shqiptare, ai mishëron harmoninë midis mendimit të thellë intelektual, ndjeshmërisë artistike dhe idealizmit kombëtar.
“Nata de Terra” përfaqëson jo thjesht një portret fizik, por një përjetësim artistik të lidhjes së pandashme midis njeriut dhe natyrës.
Nëpërmjet trajtimit të butë të sfumatos, përdorimit të dritës dhe hijes me mjeshtëri klasike, dhe një balancimi të ndjeshëm të formës, autori arrin të fiksojë në këtë vepër një qetësi ekzistenciale që rezonon me traditën e artit filozofik të mjeshtrave të mëdhenj të Rilindjes.
Vepra pasqyron thelbin e lindjes së shpirtit njerëzor nga vetë gjiri i Tokës, duke ofruar një reflektim të fuqishëm mbi origjinën dhe ekzistencën.
Bashkëpunime të veçanta në fushën e artit figurativ janë të mirëpritura, në frymën e mirëkuptimit të ndërsjellë dhe ndjeshmërisë së përbashkët ndaj vlerave më të larta kulturore dhe kombëtare të cilat kanë gjithnjë mundësi eksplorimi.
Ju jam mirënjohëse dhe falenderuese Marsel Fregjaj. Paçi bekimin nga zoti, ju uroj shëndet dhe suksese në krijimtarinë artistike.
Me respekt Valbona Ahmeti.
Montreal 29. Prill.2025
