Kënga e shpirtit
Kah po shkojnë këto pulëbardha
A thua me verën po përshëndeten
Qielli kaq shumë qenka vrenjtur sonte
Yjet qenkan fshehur nën re të murrme
Në qiellin e mbuluar me lotin e shiut
Pas vranësirave fshihet buzëqeshja
Ngadalë do të kthehet në shpirtin tim
Pastaj do të zgjohem bashkë me diellin
Me këngën e shpirtit dhe ngjyrat e ylberit
Mos më thuaj se jam çmendur nga pritjet
Pasi sytë e mi shkëlqejnë edhe në errësirë
Shpresat e mija jetojnë edhe kur jam pa shpresë
Sa herë dua buzëqeshë edhe dielli im
E hëna me premtime natën ma bën ditë
Nëse nuk flas unë mjafton të flet heshtja ime
Shikimet tona puqen me ndjenja të zjarrta
Asgjë nuk është e pa arritshme në këtë botë
“”””””””””””””””””””””
KUR TË BIESH NË TOKË
