====== DO TË DALË YLBERI !….====
====================
I çvesha qiellit retë
Dhe më doli moti
I dogja paragjykimet
Dhe më ndriti Zoti !
I thava dete e oqeane
Lakuriq më doli toka
Mu duk si femer mjerane
Në semafore pa rroba !
Ia dogja terrin nates
Dhe më dritoi hëna
E shuajta mallin e zemres
Sikur m’u ngjall nëna !
I dogja maskat me zjarr
Si diell më ndriti fytyra
Çdo gjë u bë si më parë
Me ujë e gjethe u vesh natyra!
Seç më bubulloi shpirti
Më shkrepi si vetëtima
Si nata më iku trishti
M’u duk se më puthi Pina!
Jeta e natyra siç ka qenë do jetë
Në shekuj kështu ka ndodh perherë
Sado që ka ra shi,termet e shterngatë
Ka lulzuar me shtatë ngjyra ylber !
Mhill Marku
03.11.2020 17:10
