SYRI I SKËNDERBEUT SIKUR FOLI: EDHE PAK DRITË E KËRKON MËMËDHEU
1.
NJË YLBERZË NGA PRISHTINA
U NIS PËR NË VLORË
BASHKË ME NËNËN DHE BABANË
ATË MËNGJES NË KOSOVË
BINTE: BORË-BORË-BORË…
NDËRSA KUKULLËS I THA N’VESH:
TI GJITHMONË DO T’JESH ME MUA
JE E VOGËL – JE E BUKUR
SI N’KOSOVË – SI N’SHQIPËRI
UNË NJËSOJ TË DUA.
2.
Në Krujën legjendare
Bëmë një shëti –
Pak nëpër qytet
Më shumë nëpër histori.
Shpatën e Gjergjit
Preka një mesditë,
M’u duk që krejt Kosovë
Që i bëri dritë.
Në Vlorën time
U rrit dhe zemra ime!
Mbi kreshtat e fort
Të qytetit të ILIRISË
Shqiponja me FLAMUR
Dritë i bën Shqipërise.
Shpeshherë mbi Vlorë
Dikur pati rënë dënorë.
3.
Në Sheshin e Madh
Në Tiranë
Mu duk pak i pikëlluar
SKËNDENDERBEU,
Syri i tij sikur foli:
Edhe pak dritë e kërkon MËMËDHEU.
“”””””””””””””””””””””””””
Takim gjatë Panairit të librit “Tirana 2022”
Me Gjon Markun, një zë i fuqishëm i botës letrare dhe studimore
Gjon Marku është një krijues i spikatur nga Rrësheni i Mirditës. Gazetaria, romani, tregimet, publicistika dhe esesistika, përbëjnë substancën e opusi letrar të tij. Nuk janë pak vepra letrare, studimore, eseistike dhe publicistike që skalisin profilin e tij krijues. Qindra redaktime, manifestime, tribuna dhe sesione të ndryshme shkencore, ka marrë pjesë dhe është dëgjuar me kërshëri fjala e tij.
Shkrimtarin dhe studiuesin e spikatur, Gjon Markun, unë e njoh qysh herët. Si emër kisha dëgjuar shumë herët përmes shkrimeve dhe publikimeve të tij, ndërsa në vitin 2008 pata fatin që në gazetën e përditshme kombëtare, Bota sot ta bëj një intervistë, e cila u mirëprit kudo botohej dhe shpërndahej gazeta. Intervista mbante titulli: “Është fat i madh që vendi ynë ka një kolos të letrave dhe letërsisë si Ismail Kadare. Botimi i kësaj interviste dhe komunikimi me Gjon Markun krijuan mundësitë që të njihemi edhe më afër dhe ky komunikim dhe bashkëpunim gjithnjë u vazhdua deri me sot.
Qysh atëherë unë kam përcjellë këmba – këmbës veprimtaritë letrare, studimore dhe publicistike të Markut, çka më kanë mundësuar që profilin e tij krijues ta njoh nga afër.
Për veprat e Gjon Markut duhet thënë se ato cilësohen me një stil të ngritur e të pasur poetik dhe përshkohen me një ndjeshmëri lirike, prandaj edhe vlerësohet ndër shkrimtarët më lirikë në letrat shqipe.
Veprimtaria tregimtare dhe romanore e Markut përvijohet përmes një kategorie të tërë personazhesh, përmes një sfodni të gjerë të realitetit artistik që imponohet më kreativitet shumëdimensional. Opusi i tij i gjerë i tregimeve dhe i romaneve dëshmon për një individualitet krijues të rëndësishëm si në llojshmërinë e dukurive të trajtuara, ashtu edhe në shtrirjen e atyre dhe në mesazhet poetike që ngërthejnë veprat e krijuara nga ky shkrimtar dhe studiuesi veçantë.
Me bindje themi se Gjon Marku vijon të mbetet një personalitet i spikatur nga lexuesi edhe kritika letrare për origjinalitetin e spikatur artistik, si dhe për kontributin e shumanshëm në lëmin e letërsisë publicistike, esesistike etj.
Tiranë, 19.11.2022
