Me rastin e 21 Marsit Dites Nderkombetare te Poezise..
Ah,poezia
Është si vajza që përskuqet në fjalë dashurie.
Është si lulja orkide që çel në gur.
E nuk do pleh që ta mbjellësh as në hije.
Në natyrë hedh vals në spektrin me ngjyrë.
Ah, poezia!
Është pllaja e një kodre ku ka vetëm gjelbërim.
Në burimin e përroit që kthehet ujëvarë.
Me tingujt e zogjve zgjon një cicërimë.
Flladin e pranverës së rë e fton në garë.
Më ngjan prelud note, një romancë.
Ku mblidhet mbrëmjeve e dëfren rinia.
Buzëqeshin të çiltër kur kërcejnë dancë.
Aty është adrenalina, jeta, ajri, lumturia.
Poezia është si kashmir vetë aroma e jetës.
Një udhë e gjatë që më dërgon në mëhallë.
Është nektari në kosheren e bletës.
Më bëhet muzë e vlen si thesar i rrallë.
Poezia më ngjan si vatra në gatim nëne.
Në tryezën e ajkës më zgjon nostalgji e mall.
Më flet nga larg me ritmin e zemrës.
Më hyn në ekstazë, në pore si qelizë e rrallë.
Ç’ndjenjë është vallë poezia?
Kurmin e ashtit në oksigjen e shtjellon.
Hë pra, në Feniks si do thotë magjia?
Është torta që të gjithëve na ëmbëlson.
Mimoza Halili
Athine Greece
Mars 2021
“”””””””””””””
Fllad pranvere
Dielli lodërtar vërtit rrezet mbi qytet.
Ngjyrën kuqëroshe e ktheu në vetrinë.
Mozaikun e dritës e shtron si tapet.
Në grimca blusaks e ngjyen kaltërsinë.
Oh, magjepsem në këtë çast të bukur.
Këtu natyra lozonjare qesh gjithë gaz.
Në gjirin e saj bukurinë mbante strukur.
Në panoramën e qëndisur hidhte vals.
Kundroj peisazhin në spektrin e marsit.
Dhe lulet kundërmojnë e tunden në erë.
Më deh freskia epshndjellëse e shansit.
Vrapoj të mirëpres ty, o moj pranverë.
Kam marrë pasionin në krah e rend drejt teje.
Lulen e mimozës ma solle si dhuratë.
Petalkat verdhore gëzojnë rreth meje.
Mëndafsh floriri si push ngrihet lartë.
U hutova në vënd se ç’ishte ky rast.
M’u duk sikur shihja ëndërr në gjumë.
Por jo, freskia buzëqeshi në atë çast.
Luledelet gonxhe riçelën më shumë.
Lumturia në këtë imazh u bë pompoze.
Gjethet e pemëve më preknin flokë e sy.
Plepi në anë të rrugës me hijen pozonte.
Me flladin pranveror vallëzonim të dy.
Këtë mrekulli sa doja ta bëja pikturë.
Si shenjë adhurimi ta kem në kornizë.
Metaforën e gjeta në telajon me ngjyrë.
Në kolor dashurie më kthehet në suprizë.
Mimoza Halili
Athine Greece
Mars 2021
