ZEMËR E LËNDUAR
Zemra mund të lëndohet
atëherë kur s’e pret
Një sjellje e pa kujdesshme
si plumb mund ta vret.
Nuk mund ta hidhëroj
secili person,
zemra mund të vritet
vetëm nga ai që e don.
Jeta është e bukur
kur zemra gëzohet,
por është e hidhur
kur ajo lëndohet.
Andaj kujdes fjalën
që fare s’të kushton
mos e vrit një zemër
kur mund ta gëzon!
Minire Rukovci Hyseni
“”””””””””””””””””””””””
Unë jam Shota majeni men
Unë jam Shota majeni men
që luftova për këtë ven.
Kapa pushkën para vëllaut
në lulë të ballit ja njeha shkaut.
Jo, nuk deshta me u ngujue
gratë nuk janë veq me gatue,
pushka s’vet, je burrë a grue.
Pushka don kush nuk ka frigë
s’ka ranësi je djalë a qikë.
Unë luftova bashk me burrin
shkaut athere ja nalëm turrin.
Tash po rrini nëpër kolltuqe
pa livritë si pulat klluqe.
Kurr karrika nuk ju ftof
po ju kqyri e s’po ju njoh.
A ju thoni burra veti
merrni rroga për lezeti.
Pik e pes krejt jeni ba
njani tjetrin s’doni me pa.
Dy vet s’ecni për t’njatën udhë
po shkon veni veq tu u rrudhë.
Kur pe shoh vatanin tem
dheu mrena rahat s’po më len.
Po ju lutna mlidhni men
gurët e megjës mi leni në ven.
Krejt rinin mi keni çkepë
kur të kthehen nuk mi nxen.
Foton e mora nga një postim i Shukrije Gashit
“””””””””””””””””””””””””””””””””
Macja e Nolit
Noli i vogël
ka një macë
i xixëllon
syri si gacë.
Mjau, mjau
mjaullitë,
macë moj
mos je uritë?
Jo ushqimin
nuk e don,
u ndal Noli
po mendon.
Përse macja
mjaullitë?
po më duket
është mërzitë.
Noli thot
fajtor jam unë,
macja don
përkdhelje shumë.
E kam lënë
vetëm në shtëpi,
kam shetit
me shokët e mijë.
E pushtoj
me ledhatime
të më falësh
o macja ime!
