Sot në mëngjes, tek po kërkoja një libër në bibliotekën time para syve më shfaqen kartolinat e ish nxënësve të mi të dashur, shkruar nga ata me kaq dashuri dhe përkushtim në prag të Krishtlindjeve dhe Vitit të Ri 1999.
Ahhhh, sa u mallëngjeva! Sytë mu mbushën me lot gëzimi. Fillova t’i lexoj një e nga një, urimet e këtyre bilbilave, të cilëve jua mësova ABC- në, e që sot kanë dalur në jetë dhe janë bërë doktorë, profesorë, mësues, matematicientë të zotë, madje disa prej tyre kanë marrë dhe çmime në botë, për zotësitë dhe aftësitë e tyre. Sa shpejt ikin vitet, fluturojnë!
Ju uroj nga zemra të gjithëve juve, ish nxënësve të mi të dashur kudo që ndodheni, shëndet, mbarësi dhe suksese të mëtejshme drejt majave më të larta të suksesit!
“”””””””””””””””””””””””””””””
Shkrim që ia vlen ta lexosh
« Një mësues tregon një kartmonedhë 20 € dhe pyet nxënësit: “Kush do të donte ta kishte këtë kartmonedhë?” Nxënësit ngrejnë duart.
E zhubros kartmonedhën dhe pyet : « E doni gjithmonë ? »
Duart ngrihen përsëri.
E hedh përdhe kartmonedhën e zhubrosur, e shkel me këmbë dhe thotë : « E doni gjithmonë ? »
Dhe përsëri studentët ngrejnë duart.
U thotë atëherë : « Miqtë e mi, sapo morët një mësim! Pak rëndësi ka çfarë bëj unë me kartmonedhën, gjithmonë ju e doni, sepse vlera e saj nuk ka ndryshuar. Vlen gjithmonë 20 €.
Shumë herë në jetën tuaj, do të lëndoheni, do të flakeni nga njerëzit dhe ngjarjet. Do të ndiheni se nuk vleni më asgjë, por vlera juaj nuk do të ndryshojë në sytë e njerëzve që vërtet ju duan. Edhe në ditët ku nuk jemi në më të mirën tonë, vlera jonë mbetet e njëjta.»
“””””””””””””””””””””””
DASHURIA
Dashuria është ndjenjë
që dy shpirtra bashkon
Dashuria është zjarr
Që djeg e përvëlon
Dashuria
Herë është mall e etje
herë zjarr i pashuar
herë është shpresë e pritje
herë natë e pambaruar
Dashuria
Herë është dhimbje
Që shpirtin copton
Herë lumturi pa fund
Parajsë që s‘mbaron.
