KËNGA E ZHGËNJIMIT
Dola nga palca e dhembjes
Dola nga palca e vuajtjes
Shpërtheva në lot gëzimi
Shpërtheva në fjalë zemërimi
Këndova për të vdekurit
Sa herë mërzitem me të gjallët
I kujtoj edhe të zhdukurit
Që s’u pam me ta kurrë
U mbyta në heshtjen e përmotshme
U fundosa në vargjet poetike
Tani si të qaj për të gjallët
Apo të këndoj për të vdekurit
Si të dal andej murit të mallkimit
Sa e rënd është pesha e mashtrimit
Rrufetë e kohës më dogjën
Vetëtimat e zhgënjimit m’verbuan
Prandaj dal nga vetja
Prandaj çmendem nga tretja
Bëhem akull para diellit
Me këngën e zhgënjimit
