Mirvet Mehmeti

5 Shkurt 2022

Updated: 5 Shkurt 2022

Relikt

I kam sytë plot njerëz.

T’u pyes ku shkoni, ngase

e di ç`u pyes.

Nxjerr

relikte nga arkivat

si prej dheu të shkriftë

të endezortja

artet e arrati përshtatjeve

në CV-të fjalëpakta.

Prisni,

është lojë me dhimbje

të hidhni zare

qyteteve të bëme me X të kuqë

Janë gjithandej copërina biografish

shpërderdhur e

plot zor i kam sytë,

të thyera relievet.

E gjitha nguti,

dhe s’kanë rëndësi flokët e çartur

e kafenjta abstrakte në ninëzat e mbushura

me diçka që veç ato shohin…

“”””””””””””””””””””””””””

Diku i vendosim

edhe epokat elektronike

e googëltore.

Aq ..e kaq njerëz

të sidoqofshëm…

Kolektoj

albumeve klasike

forma gjethje, lule, degë,

shkarpa…

Si thua, pendël, apo dhëmb ujku.

Pullë, gur, gocë deti…

Afishe..! –

..disa ngjitje tutkalle.

..diku, dikah e kërka.

Te kjo botë interesash

vetëm unë-e-ti

dhe unë-ty-e-ti-mua,

flem e zgjohem në një mjekërr kohe

të ngrohët…

Ku s’rrëshqasim për lindje

jemi duke u ngjitur për vdekje

si te një puthje amë

kujtim ndodhi e ëndërr…

“””””””””””””””””””

E ja!

Te ndajm në pjesë

të barabartën…

Unë të flasë në pasqyrë!

Unë flasë në…

Unë flasë…

Unë

kam kohë mjaftueshëm

të flasë n’pasqyrim të dritares!

Gjin Musa http://dritare.info/

Dritare.Info Gjin Musa, Botues

Shkrimet e fundit

Lajme relevante

LINI NJË PËRGJIGJE Anulo përgjigjjen

Ju lutemi shkruani komentin tuaj!

Ju lutem, shkruani emrin tuaj këtu

Keni futur një adresë të pasaktë email!

Ju lutem, shkruani adresën tuaj e-mail këtu

This site uses Akismet to reduce spam. Learn how your comment data is processed.