Sot është dita ime e pestë e pjesmarrjes në Maratonën Nderkombëtare të poezisë, ku do të botoj 8 ditë rresht nga 1 poezi çdo ditë me foton time,dhe të ftoj një ose më shumë poetë të bashkohen në zinxhirin e poezive(Poet.Me Not Leave), ku poezitë do të përkthehen në anglisht dhe do të botohen në një almanak në gjuhën ruse.
Unë u ftova nga poeti Agim Bajrami.
Ftoj poetin Pëllumb Mane në këtë rrugëtim poetik.
Vazhdoj rrugëtimin tim me poezinë
FËMIJËRIA IME
Meditoj fëmijërinë në krah ere mbetur,
Si fërgëllimë e një lindje agimi;
Si një zog pendëçveshur mbetur,
Si rreze e dritës nga verbimi.
Gurgullimë e ujit buzë shkëmbit
Si Syri i Kaltërt më tundon,
Klithmë e tingullt e një sqepishe
Më vjen nga larg si një grifon.
Qiell i yjtë më zien në shpirt,
Në zgrip të jetës ç’më thotë një soltic?
Në Ostren mbi shtëpinë e Gjyshërve,
Mbi muret e vjetër nuk ka më dritë!
Përshpirtshëm më vjen fëmijëria ime
Me dimëra enigmash, dhomave vetmitare;
Helmuar,vdekur,nga viruse largimesh,
Si një dasëm e dehur,fiseve cigane.
