Biri im Bledi në këtë ditë të lumturuar të lindjes tënde me trup jemi shumë larg por me zemër e shpirt jemi nën një çati ku dashuria dritëson shpirtërat tanë si 39 vite më parë kur ti erdhe në jetën tonë si një dashuri e begatë.Ti me familjen tënde je larg por ne të kemi gjithnjë pranë pjesë e gjakut shpirtit tonë të pa anë.
Me këtë shpirt që vlon dashuri e mirësi për ty biri im kam privilegjin prinderorë të uroj shëndet lumturi mirësi paç në jetë dhe aq vite të mbushur me mall e dashuri sa të dëshiroj zemra e shpirti yt.
Me mall e dashuri
Babi Vladimiri
Mirëmëngjesi miqësia përmes ndjesive të një cikli me poezi tanka.
Vrapova pa ndal
Drejt Bërrylit,
Hodha mrexhat
Në brezin e koraltë,
Të zija diellin.
***
Të moçëm,stoik
Mbi Potgorie
Një korie me lisa.
Ushtarë të pathyeshëm
Në luftën ambjentaliste.
***
Tashti në Lurë
Flaut i erës në fërshëllimë;
Lulet u thanë liqenit
Në dhimbjen e tyre;
Trungjet e pishave lotojn rrëshirë.
***
Sikur në vend të baltës
Në ate botë
Të bëheshim lule,
Në rrugët tona s’do kish shtriga
Nga një botë e padukëshme.
***
I qethen roç rrepet.
Dhe qielli vajtoi
Si nëpër mort.
Bulevardi pa zogj.
Pse s’thua: jeta u shkërmoq!
***
Pas një zjarri,
Sa i frikshëm
Pylli i djegur!…
Katallanë e dragoj,
Eh, çfar heq shpirti!
UDHËTIM MBRËMJEJE
Kur kthehem mbrëmjeve,
Në rrugën time gjithçka s’e njoh;
Si në kupën qiellore,
Eci mes ligjëve të stranierit.
Nën hijen e oborrit
S’më pret vallëzimi i lehtë i lulesahatit,
Ku nga dritat e bashkuara
Të drapërit hënorë
Bashkohet dhe drita
E shumë yjeve qiellorë.
Në pentagramin e skamjes,
Përzier me korin e fshesaxhijve,
Përpij vetëveten në përjetime.
Ndër flegrat e hundëve
Më kundërmon akoma erë panje
Me dëshirën e zjarrtë
Të një ore në sofër,
Në sofrën e familjes pa ndame.
Radio Adreatiku më ofron lirikë të kohës,
Nga sopranot te Te deum kishtarë,
Gjer tek tallavatë tregtarë.
Në dritaret e hapura,
Simbol e fener shprese,
Mes ndriçimit të amullt,
Në sytë e një qeni,
Në këtë perendim mbrëmjeje,
I malluar për familjen,
Përgjërohem
Në qoshkun e një stranieri.
Castelnovo Di Sotto Janar 2019
