Detaje jete nga kapitulli mbi natyrën
***
Lulet janë si femrat,
duan shumë dashuri e përkushtim.
***
Dielli u bë qiri para zjarrit
që ka pushtuar shpirtin tim.
***
Zëri i krenaris në këtë përdhosje
të vëndlindjes më thosh: të ikja;
Ndërsa zëri i zemrës më thosh të qëndroja.
***
Shpesh herë pëlqej errësirën,
se krijon kufij të paqartë.
. ***
Errësira nuk ka lidhje me ngjyrën e qiellit,
por me shpirtin e njerëzve.
***
Gjembat do të shpojnë gjithmonë;
Por nuk ke shkak të shkelësh trëndafilin.
***
Keqkuptimet janë si monedhat:
kan dy anë,
por kjo s’don të thotë se nuk ekzistojnë.
***
Disa kujtime janë si zogjtë,
ikin kur zënë shirat,
e na lenë retë e trishtimit.
***
Edhe dielli mbulohet nga retë,
por kurrë nuk e humb ndriçimin dhe ngrohtësinë.
***
Një kokërr gruri nuk e mbush hambarin,
por ndihmon kokrrat e tjera
në mbushjen e tijë.
***
Kur ujqërit plaken,
atëherë ata bëhen lolot e qenve
***
Pleq janë dhe malet,
Por gjithnjë blerojnë.
***
E vërteta është si shkuma e detit,
rrin gjithnjë në sipërfaqe.
***
Me fytyrën e një mize
Askush s’të afron asgjë.
***
Edhe nëqoftë se puna
peshon sa një kokërr gruri,
fshehur nën një rrasë guri,
në te do gjesh begatinë.
***
Veshi që nuk dëgjon të dobishmen
dhe gjuha që nuk thotë të vërtetën,
janë me defekte dhe të humbura.
***
Kur sundon drejtësia dhe mirësia,
populli shumohet,
Kur sundon ligësia,
populli lëngon e paksohet.
***
Të grindesh është njëlloj
si të hapësh digat e një rrezervuari,
e të përmbytësh vetveten.
***
Melhemi nuk i shëron plagët e gjuhës.
