Nga blloku i jetës gjimnaziste
DHIMBJE E GJAKTË
Kjo pamje vjeshte shpirtin m’a trishton.
Mali u xhvesh, lulet u thanë;
Gjethet e panjës,si unë vetmuar,
Madhërisht si një tunikë e gjaktë.
S’MUNDA TË FLE
Kur vrava një thëllënxë
Në qetësinë e pyllit
S’munda të fle.
Drurët dhe çiftori në natën vjeshore
Me kuje qanin në hidhërim.
Çiftori s’mnd ta mbante trishtimin
Mes dhimbjeve për thëllënxën e tijë.
BRAKTISJE
Braktisur ditë e natë
varka e peshkatarit
mbytur në trishtimin e vet,
Pret të zotin e vonuar.
Uji i mbledhur në fundin e qetë,
Të bardhë qiellin,
Qefin ka peshkuar.
