Detaje jete nga kapitulli “Mbi shoqërinë”
***
As poleni që e merr era,
nuk është kaq i lehtë,
sa fjalët e pavend e papeshë.
***
Ai njeri që humb rrugën e shtëpisë
e ka të humbur me kohë rrugën e vet.
***
Fëmija i rritur jetim s’është fëmijë,
por miniatura e një të rrituri me dhimbje.
***
Zotësi është që nga dhimbja dhe durimi,
të kthehesh në perlë.
***
Nëse nuk e udhëheqin të aftët,
fundi i atij populli është i sigurtë.
***
Sa më lart të ngjitesh në malet e jetës
aq më i paqartë ndihesh për te.
***
Çdo njeri që i kundërvihet progresit,
nuk mund të quhet intelektual.
***
Gënjeshtrat dhe shpifjet janë motra.
***
Falja është lëmoshë e shpirtit.
Mos u kurseni duke falur.
***
Ndrojtja është një stoli e bukur,
por s’mund të jeshë i nënshtruar ndaj sajë.
***
Nëse do që të jeshë i lumtur,
mos prit shumë nga jeta.
***
Të harrojsh çfar ke përjetuar
është njëlloj sikur të masakrojsh jetën.
***
Hiqe pikëllimin që ke në sy,
Mbyte dyshimin që ke në zemër.
***
Mos u lodhni duke folur.
E mos u nxitoni në dënime.
***
Gënjeshtra për një vepër mirësie,
ka vlerë si për të vërtetën.
***
Nënat jan kopshijet ku shëtit,
Baballarët janë lisat ku mbështetesh.
***
Gënjeshtarët mbështeten
tek naiviteti i njerëzve.
***
Inatin duhet ta hedhësh
në zjarrin e dhuratave.
***
Dëshpërimi i thellë,
kërkon trimëri të rrallë.
***
Në një botë që s’pushon së foluri,
heshtja vlen sa 1000 fjalë.
***
Kur e sheh tjetrin në sy
sheh dashuritë apo djallëzitë e botës.
***
Nuk ka jastëk më të butë
se sa ndërgjegja e njeriut.
***
Është nevoja ajo që përcakton
të keshë miq të vërtetë,
apo vetëm emrat e tyre.
