KRUAZEMËRNËNE
U-bu-buuu…, sa shpejt m’u rrite
Pa kuptuar goxha vite….
Në memorje , me Ty, lodër
Poooor… , gjithnjë më vjen i vogël…
Taniiiii… , drit’e jetës sime,
Çdo frymim për Ty, urime…
As prej dielli ,as prej hëne
Pooor, nga kruazemërnëne!…
N . L . ( F ) 10 / 05 / 2020
NGA VETJA
S’më rëndon ” turpi ” nga bota…
As nga zoti , s’do të pyesja…
Por më djegin flakë ferri….
E atij, që vjen nga vetja!….
N . L . ( F ) .
ULLI KANINJOTI
Në bujashkën tënde, lexoj historinë,
Mijëra vjet më parë, mbirë në Kaninë…
Nën kurorën tënde, mbledhur burrëria,
Temena dhe zonjat, me dolli rakia…
Shtrydh ty.., e malaksu ,që nga fëmijëria,
Ninullat në djepe, ç’na pa…, perëndia!…
Emër ç’i dhe vetes, kullon si pikë loti,
Udhëton ndër shekuj *Ulli Kaninjoti*!…
N . L . ( F ) .17 . 1 . 2016 .
BOTË ÇUPËLINE
Çelur kumbull-zerdelia, kërcet lulja në plas-mur,
Pllak-avllia thek jeshile, un’ çupëlin’si dikur…
Vil’e rrushit porsa lidhur, lastarhardhia ujesë,
Qelqezimi vesor gjethes, kullon art, që në mëngjes…
Retrospektivë…, mënjanohu!…, E futmë në fëmijëri,
Fustanin plot “ aguridhe “ buzët me arra ç’i nxij…
Kuaj hergjele kalasë, zëgazmendët ndezur dheun,
Vajzat stoli, si “ Donika “, çunat shpatë, si “ Skënderbeu “…
Frymojmë lartë , si, te Zotat , jod nga deti, fllad Kanine,
“ Mnemozinë “ e shenjtëruar, ç’më fut në botë çupëline!…
Arratisur nëpër baçe ,si ketrush degë më degë,
Her’i ngul dhëmbët tek ftoi, her’në duar shtrëngoj shegë!…
N . L . ( F )
