Humor në prag të Vitit të Ri
KUR GRINDEN BURRAT E SHTETIT
Po qeshin gjelat e detit
pse grinden burrat e shtetit.
Sala thërret: Do e marr partinë
Luli i thotë: S’e lëshoj selinë.
-Mor Lulush, more tradhëtar,
mor legen, more trutharë
kur më flet ngrihu në këmbë
se t’i thyej dhëmballë e dhëmbë.
-O Sali, legen je vetë
kot e ke që po bërtet,
tash prej teje s’trembem kurrë,
se u rrita, u bëra burrë.
-Burracak, t’paska dalë frika
se të rri prapa Amerika,
mua s’më trembin ato bisha
se më thonë Sali Berisha.
Që nga Dajti e deri në Pezë
e bëj Yurin kim me vezë,
le t’më quajë ajo Non Grata
se e çoj bareshë me pata.
-Leri Salë patën dhe pulën
unë nuk trembem se kam vulën
me të në dorë unë e hedh lumin
ti mbaj foltoren e stadiumin.
-Prandaj je ti kaq n’gazep
edhe fle me vulë në xhep,
por ta dish se t’ka humbë vula
ndaj do shkosh dhe ti me pula.
E vazhdojnë këta me gallatë
bën sehir populli i ngratë
e qeshin gjelat e detit
si grinden burrat e shtetit.
