Të nderuar miq e mike, sot, me date 7 nëntor 2021, Shoqata Atdhetare “Dukagjini”, në bashkëpunim me Shoqatën “Lidhja e shkrimtareve e artisteve Shkodër” dhe Shoqatën Atdhetare “Malësia”, në mjediset e bibliotekës “Marin Barleti” organizoj e zhvilloj ceremoninë e promovimit të librit, me titull “Marash Tuci, ndorja shqiptare”-novelë, me autor shkrimtarin, poetin, historianin, publicistin, botuesin e N/kryetarin e Shoqatës Atdhetare “Dukagjini”, Prele Milani, një vepër e veçantë për nga përmasat e zhvillimit të ngjarjeve, që në qendër të këtij libri, të kësaj novele, është BESA, për të cilën shquhen në veçanti malësorët e në tërësi shqiptaria. Krenet e Nikaj-Merturit thirren e priten nga Veziri i Shkodrës, por priten në besë dhe Marash Tuci, jep jetën në mbrojtje të tyre, se i kishte marrë në ndroje.
Shoqata është themeluar 18-19 vjet më pare, Prela na u prezantua me librin, me titull “Bibla në vargje”, duke vijuar nen shembullin e shkrimtarit e përkthyesit Lazer Stani, filloi jo vetëm seria e botimeve të Preles, por duke u ndjekur dhe nga shoke e anëtar të tjerë të Shoqatës, si Luigj Shyti, Lazer Kodra, Voc Deda, profesor Zef Gjeta, profesor dr. Vuksan Kola, Lulash Brigja, Ndue Sanaj, Pjeter Gera, Prele e Mri Kroj, Zef Lulash Sokoli e Lulash Ndoc Gilaj e të tjerë. Ky libër që paraqitet sot është i 73-ti, që janë botuar nga personat e mësipërm promovua ose jo. Kjo tregon, se Shoqata, pa organizuar një konference të veçante apo bere një thirrje të veçante, anëtaret e saj, u nxiten nga brezi i paraardhëseve të tyre dukagjinas, si piktori Ndoc Martin Camaj, At’ Banartin Palaj, At’ Daniel Gjeçaj, albanologu Martin Camaj, Ernest Koliqi e të tjerë e të tjerë, se në çdo kohë ka të rejat e veta dhe që duhen lenë të shkruara, duke u larguar nga gojëdhënat, se edhe pse ato kane vlerat e veta, por duke kaluar brezat, një brez shton diçka e një brez heq diçka dhe është e vështirë të vije e vërteta e plote deri tek brezi tjetër, deri te ne. Ajo, që shkruhet, mbetet e pavdekshme mbi të cilën brezi ecën më tej apo dhe bën ndryshime sipas informacionit që merre nëpërmjet zbulimeve të reja. Por e rëndësishme është se hidhet një baze, që deri më sot nuk e kishim. E theksojmë ketë, se ky tregues është një nder arritjet më të mëdha të Shoqatës Atdhetare “Dukagjini”.
Kjo veprimtari u drejtua me kompetence nga gazetarja e TV1-Channel, zonja Lindita Kavaja.
Në ketë ceremoni morën pjese shkrimtar, poet, veprimtar, politikane, anëtar të tri shoqatave, dashamir të autorit dhe familjar të tij.
Mori pjese deputetja e Shkodrës dhe Anëtarja e Nderit të Shoqatës Atdhetare “Dukagjini”, zonja Gerta Barleti; Konsulli i Nderit të republikës së Austrisë në Shkodër, zoti Gjergj Leqejza; zoti Zija Vukaj, kryetari i shoqatës së shkrimtareve Shkodër; Ilmi Kurti, Kryetari i Shoqatës Atdhetare “Malësia”; Kryetarja e Shoqatës “Xhubleta e Alpeve Shqiptare”, zonja Rita Shkurtaj; redaktori i librit, studiuesi i gjuhës e përkthyesi dhe presidenti i shtypshkronjës “Fiorentia” Meritan Spahiaj; poetja Prenda Sejdia; kritiku Kadri Ujkaj, publicisti Kadri Fikaj, poeti Lazer Kodra; poetja Lifee Hasa; poetja Farida Ramadani, poetja Djana Çelepia –Tabaku; botuesi Voc Deda, grupi folklorik “Besa e Shoshit”, me kryetarin e tyre, zotin Ndoc Fusha; pasardhësi i familjes së Marash Tucit, Sokol Marashi dhe të tjerë.
Në ketë promovim u dhanë shumë opinione: Poetja Prend Sejdia, recitoj Dorjana Blinishta; Studiuesi e redaktori i librin, Meritan Spahija; Ndue Sanaj; përkthyesi Zija Vukaj; studentja Besarda Shkoza; kritiku Kadri Ujkaj; poetja Mimoza Rexhvelaj; studiuesi Kadri Fikaj; poeti Lazer Kodra; Kryetarja e Shoqatës “Xhubleta e Alpeve e Shqiptare” studiuesja Rita Shkurtaj; studiuesi Zef Mark Zeka; Ilmi Kurti; studiuesi e shkrimtari Ali Daci nga Rrezhaja; pastaj mori fjalën grupi “Besa Shoshi” duke kënduar këngën me çifteli, për Marash Tucin.
Në fund e mbylli ketë takim Sokol Marashi, pasardhësi i Marash Tucit, që ftoj pjesëmarrësit për një koktej …
Ju urojmë autorit te librit, Prele Milani, të bëni punë të palodhur në fushën e studimit e krijimtarisë suaj në shërbim jo thjeshtë të Dukagjinit e dukagjinasve, por dhe të kombit tonë, me ndihmesën tënde po aq të palodhur, bashkëshorten, zonjën Angjelina, se nuk mund të jeni kaq i suksesshëm pa ndihmën e saj.
