SOT U NDA NGA KJO JETË PAL GRIMC PRABIBAJ NGA FSHATI CURRAJ EPËR I NIKAJ MERTURIT.
Pal Grimci u lind në vitin 1930 në një familje fisnike e patriote, puntore e bujare, në shtepin e Grimc Dem Prabibajt në Curraj Epër.
Djali i dytë i Grimc Demës, Pali gjatë gjithë jetës Tijë ishte një burrë që u karakterizue me virtytet më të mira të burrit malësor. Vëlla shumë i dashtun, prind shumë i mire, puntorë i jashtzakonshëm dhe një njeri që ka lënë mbresa të mira me këdo që është takuar në jetën e Tijë.
Bashkë me shoqen e Tijë Zojën linden dhe rritën dhe i edukuan e i shkolluan 7 djem e vajza që janë një shembull shumë i mirë në punë e në jetë.
Në vitin 1967 kurë lufta kundër fesë mori përmasa të jashtzakonshme për të zhdukur çdo gjë që ishte mbi tokë që përfaqsonte fenë. Të 5 djemt e Grimc Demës vendosën që ta hiqnin e ta fshehnin truporen e Shejtit Shnandue që ishte në Kishën e Currajve. Këtë aksion e kreu Pali bashkë me vllaun e vogël Lleshin (I cili jeton dhe paste jetën e gjatë) e hoqën nga Kisha dhe e fshehën në një shpellë deri në të dale të verës pastaj ndërtuan një shtepi për bagëtinë dhe truporen e murosën në murin e shtepisë deri në vitin 90-të kurë erdhi demokracia dhe këta vllezër e ç’murosën Truporen dhe me 1 Nëntor të vitit 1990 e vendosën në Kishën e Currajve.
Unë kam patur fatin që me këta kumar e dashamirë të mijtë të realizoj një dokumentar për gjestin e lartë e më fisnik që ka kryer ndokush në gjithë Shqiperinë.
Bashkë me kolegët e mijë Shpresa Ukcama (folëse), me kameramanët Sokol Pjetra e Sokol Pjetër Qokaj kemi intervistuar të dy vllezërit Palin dhe Lleshin për të na treguar imtësisht krejt ngjarjen dhe kemi realizuar Dokumentarin “VLLEZËRIT QË SFIDUAN KOHËN”
Me këtë rast u shprehi nhushëllimet e mija dhe të familjes time: FAMILJES, TË AFËRMVE DHE GJITHË CURRAJVE EPËR PËR HUMBJEN E NJËRIT PREJ BURRAVE MË TË MIRË TË FSHATIT CURRAJ EPËR!
SHPIRTI YT PUSHOFTË NË PARAJSËN E PËRJETËSHME PAL GRIMCI!
EMRI YT PASTË NDERË E LAVDI!
