PËR ÇDO DITË NJOFTIME PËR VDEKJE
Seç jemi lodhur e jemi rraskapitur
Me lotë në sy mërzitur
Shpirti dhemb e nuk ndalet
Seç po na lodhin brengat e hallet.
Seç na lodhëm për çdo natë e ditë
Numri i të sëmurëve sot na u rritë
Ndjehet në shpirt dhembje e madhe
Çdo ditë seç po shtohen këto varre.
Vdiq ky apo ajo nga virusi, nga Korona
Na mbyti dhembja e lodhja
Vdekje kishim sot, kishim… edhe dje
Shpirti flakë po digjet ndër ne.
Për çdo ditë lexojmë vetëm njoftime
Lotët nuk po i teren aspak syve
Dhembjet po na shtohen për çdo ditë
Arkivolet nga spitalet duke i pritë.
Oh, Zot të lutemi që të na ndihmoni
Shpirtrat nga plagët të na i shëroni
Mos të lexojmë njoftime mortore
Ti ndalim dhembjet e lotët prej kësaj Korone!
