VAlSI I LUMTURISË…!
Oh ky flladi, flladi i malit,
Pjano, pjano vjen në shpirt,
Si në tango vallëzojnë pemët,
Një vals lumturie, si mozaik.
Lumturia vjen me aromë,
Si buzëqeshja pa naze,
Është e ëmbël si bakllavaja,
Gjurmë le, si puthja e nxehtë.
Është unike, si soneti i verës,
Liqeni Farkës më përkëdhel,
Vjen si fllad, si flladi verës,
Ëmbëlsia s’më gënjen…
Nexhbedin Basha
16 korrik 2022
“”””””””””””””””””””
Në gjumin e përjetësisë…
Ah si ike, ah si ike,
o bajrak…
Në qiellin e përjetësisë,
Ike si pasha.
Ike Nuri Basha, ike,
O vëlla,
Si shpirt i lirë, ike
Gojëmjaltë…
Ike fytyrqeshur, ike,
O zemër bardhë,
Si një prind me virtyte,
Le shumë mallë.
Në ograde, gjurmë le,
Si bujtës e fermer,
Zezervuarët do gërthasin,
Ku je breh! o i përherë.
Ike shumë i ri, ike,
O flori,
Ike dhe s’na pyetete.
O zemërmirë.
Ti je loku zemrës që djeg,
Si një bahçe kuruar,
Zoti të deshi, në streh të mori,
Cep më cep, ku ke shkelur, gjurmë shkruar.
Të deshëm e të duam pa limit…
Ishe e mbetësh galeri,
Si një aromë lule, do kujtohesh,
Vëlla, në përjetësi…
Nexhbedin Basha
10.07.2022
“””””””””””””””
DIELLI I LIRISË…!
-Kushtuar 4 korrikut 1776, ditëlindjes së Amerikës-
Statuja e lirisë, një “grua e fuqishme joshëse”,
Sa bukur tingëllojnë këto fjalë në univers,
Retë e bardha çanë qiellin blu,
Si një fëmijë në Amerikë lindi dielli i Lirisë.
“Kumbana e lirisë”, “Kumbana e lirisë”…!
Si një vullkan oshëtiu në Olimp.
4 korrik 1776, u dëgjua zilja e Pavarësisë,
Firmëtarët shkruan në ditar lavdinë.
Ajo nuk ish firmë, por një vetëtimë,
Që shkëlqeu si drita e hënës në qiellin pa re,
Ajo mban vulën e Kushtetutës të fjalës së lirë,
Në Librin e Bardhë shkruhen ëndrat e kombi shtet…
Ajo lindi si femijë që burrërohet ndër vite,
Se ëndra e kahershme nuk mbeti në syrtar,
U mboll në Univers, si pemë gjeneologjike.
Si perendeshë u ngjit në piedestal.
Statuja e Lirisë, një “grua e fiqishme” joshëse,
Në tempullin e dijes lindi si teatër,
Si pishtar i demokracisë mbeti dhe për emigracionin,
Rrezet e saj si një yll, ndrijnë në çdo vatër.
Ajo më ngjan me mrekullitë e botës së lashtë e moderne,
Aroma e luleve të saj, ka shijen e kopshteve të Babilonisë,
Si një femijë “mëkohet” të rritet shëndetshëm,
Si etalion ruhet në memorjen e historisë.
