Nate me Hënë, pejsazh dashurie…
Sa shumë, sa shumë do doja ti numroja yjet,
Si miqtë e mi më të mirë…
Nën dritën e Hënës të kuvendoj me planetet,
Paçka se yjet janë Galektikë…
Qylimi i gjelbërt, pejsazh dashurie,
Më ngjan me natën e kuqërremtë lozonjare.
Në qiellin pa re kryqëzohen yjet,
Poetët thurrin ëndra për natën e bardhë.
Natë e qetë, natë pa gjumë…
Vështroj dritat, më duken të zbehta,
Shëtis si rrugëtar në qytetin e ëndrave,
Në sfond si në filma më shfaqet jeta…
Në natën me hënë gërvish yjet…
Si një udhëtar thurr ëndra për jetën,
Thith e ngopem me aromën e lule blirit…
Dhe prapë gërvish yjet të njoh të vërtetën…
Zëri melodioz i bilbilave me prek telat e zemrës,
Muzika e bretkosave nën rrezet e dritës acarrues,
Ngjyrat e ylberit pejsazh dashurie,
Në këtë natë ngacmuese…
Si një violinë më shfaqet jeta,
Me baticat dhe zbaticat turbulente,
I kërrusur në mendime flas me yjet,
Si “shpërblim” marr muzikën e lehjes së qenëve.
Nexhbedin Basha
24 maj 2021
“””””””””””””””
SHPATARI I FJALËS…
Në këtë muzg ngjyra ylberi,
Ku bashkohet qielli me detin,
Nis vargun raskapitur shpatari,
Nga gjumi trazuar munduar në shekuj.
Me vete merr aromën e jodit të detit.
Valët dhe guackat, si bletët zhurmojnë…
Si fylli i bariut i vjen muzika e dallgëve poetit,
Loz me harkun e hedh grepin të peshkojë.
Një çast meditimi për muzën…
Si peneli i piktorit, portretizon atmosferën,
Muzgjeve të mbrëmjes ngrys ditët e murme,
Si shigjetë nxjerr nga kllëfi penën shpatari.
Pushka vret një fjalë, fjala vret njëmijë,
Shpatari me kalin e zi fluturon në krahët e ëndrës,
Kalorësit e bardhë shëtisin si ëngjej,
Në muzg te dera avllisë sjellin Dorontinën.
Si furkë me lesh përdredh mustaqet xha Murati,
Rrokëllinë si dimrat e acartë faqoren e rakisë,
Si gonxhe shkëlqen konaku i shpisë,
Qeshin e ngazëllehen dhe muret e avllisë.
Në Libohovë pranë Rrapit shekullor muzë poeti,
Si kujtim në arkiv shkrep një fotografi,
Që në shekullin e XVI-të pushon i qetë Rrapi,
I lartësuar, i lartësuar, me heshtjen merr madhështi.
Parfum dashurie me aromë lule jasemini,
Është jeta si në përralla….
I kryqëzuar nga ëndrat me kopshte lulëzuar,
Me vete marr aromë bjeshke nga mali i Korabit.
Nexhbedin Basha
14 maj 2021
