28 1 2016·
TI
Ti …lulja ime ku ndjej aromën
por dhe gjëmbi i saj që dhëmb
ti gëzimi im që sjell mëngjezin
por dhe trishtimin që më çmënd..
Ti burimi im i fjales ,i mendjes
por edhe shkretëtirë e Saharas
ti gjelbërimi dhe lulja që çel
por edhe vyshkja e mjerimi i pamasë
Ti ozoni i ajrit në timen mushkri
por shpesh dhe karbon
ti dritë e madhe në sytë e mi
herë errësirë që tmerron…
Ti Himalaje e lartë për tu arritë
dhe shpesh e butë lëndinë
ti që je i trishtimit tim digë
dhe shperthen madhërisht dashurinë
Ti je lartësia qielli im i shtatë
por je dhe ferri në tokë
shpesh -herë je mrekullia e tetë
pa ty a duhesh kjo botë?
