PESHKU NË RËRË
Ishte verë e nxehtë
dhe shkova në det
në plazh u rrezita,
por nuk isha vetë.
Pas disa ditësh
deti kishte valë
dhe në zall
një peshk kishte dalë.
Më shkoi syri andej
dhe e shikova,
peshkut të gjorë
pak i ndihmova.
Lëvizte peshku
përpëlitej n’zallë,
por shokët e vet
ai i kishte mall.
Peshku pa ujë
s’mund të jetojë
e hodha në det
nisi të notojë.
U gëzua peshku
sa shpejt u largua,
m’u duk se mua
m’u falënderua.
“””””””””””””””””””””
NËNA GATUAN PETULLA
Nëna ime punëtore
shpesh petulla gatuan
unë jam i lumtur
dhe i dua shumë.
Petulla të ngrohta
dhe pak sheqer
i gatuan nëna
unë ha përherë.
Kur shkoj në shkollë
sa shumë gëzohem,
me shokë e shoqe
aty bashkohem.
Me vete marr petulla
dhe me shokë i ha,
ata më falënderojnë
më çmojnë pa ia ndarë.
Sukses shembullor
në shkollë kam shënuar,
prindërit e mi
sa fort janë gëzuar.
Të gjitha reagimet:
Alissia Gjoni, Murtez Asllani dhe 31 të tjerë
