BORA FËMIJËT BEFASOI
{ Për fëmijë }
Këtë fillim pranvere
Bora befasoi,
Male, fusha, ara
Gjithkah i mbuloi.
U gëzuan fëmijët
Vrapuan për t’rrëshqitur,
Befasi e këndshme
Që nuk e kishin pritur.
Atje lart mbi fshat
Nga Kodra e Rrushit,
Zgjatej staza tyre
Tek Stani Malushit.
Aty ne bregun afër
Bashkë dolën në maje,
Ky lepuri veshgjati
Me të bukurën sorkadhe.
Shiqonin fëmijët
Në stazë duke rrëshqitur,
Për të parë më mirë lepuri
Kokën kishtë ngritur.
Bashkë me fëmijët
Qeshte dhe sorkadhja,
Kur ndonjë nga ta
Rrëzohej nga saja.
Vërtetë tha sorkadhja
Bora sjell ftohtësi,
Por zemrat e fëmijëve
Ndjejnë aq shumë ngrohtësi!
