TE GJYSHI NË FSHAT
(Për fëmijë)
Atje larg në fshat
Plot pemë e gjelbrim
Në një shtëpi të vogël
Jeton gjyshi im
Në vapën e verës
Atje gjen freski
Nën hije të manit
Apo nën qershi
Aty fillon mëngjesi
Me këngën e gjelit
Me një kope delesh
Në rrëzë të zabelit
Vërtetë aty më duket
Një jetë mjaft e qetë
Verës shkoj atje
Se ka shumë lezet
“””””””””””””””””””
NËN GRILA TË EUROPËS
Më ke futur nën grila Europë
E nuk kënaqesh me kaq,
Mbi kokën time gjithnji mban varur
E s’më heq dot një gërbaç.
Zogjët fluturojnë të lirë mbi qiellin tënd
Vetëm një e mba të robruar,
Shqipen nën grila e ke ndryrë
Nuk e le të lirë për t’fluturuar.
Hiqmi grilat Evropë!
Si gjysmë shekulli më parë të jem aty,
E di atëherë kur isha i lirë
Sa herë doja vija tek ty.
Unë i njejti jam Evropë
Ndërsa ti ndryshove shumë,
E ta them haptas tani se
Gabim je ti e jo unë.
Mi heq grilat Europë!
Mos më lë kështu të ngujuar,
Nëse do dhe ti njëherë
Me ne fytyrën për ta pastruar!
01.07.2021
