Niko Poet Gjiriti

O ba, mendoj se ndonjëherë një fjalë e vështirë është si një mirësi që ta sjell fati nga prindi, për të nxjerrë më të mirën tek personi im. U rrita nga dashuria jote, mësova prej saj, se sa më larg po i qëndroja arritmoja zemrën, me ty fitova dritën e mendjes. Ndonjëherë duhet të falënderojmë njerëzit që tregohen të ashpër me ne fëmijët, brenda ndershmërisë familjare, nga këshillat e tyre gjetëm forca të përpiqemi edhe më shumë të gjejmë vetveten pas etiketave, nënë, teze, gocë e tezes, me një fjalë Judës-staf, si pisllëk familjar, që duhet ti shmangesh përgjithmonë. Ti o ba, jo ndoshta, por je gjëja më e mirë, që më ka ndodhur ndonjëherë, se je mësuesi im i palodhur, që ke bërë dallimin, që unë të jem, jo vetëm krenare për ty por edhe e lumtur. Babi të falënderoj, se ti ishe i vetmi në momentet më të vështira të jetës time. Kjo është vërtet emocionale, se këshilla, gjykimi jot më bëri mua, më të fortë, më farkëtoi, të jem e pathyshme në karakter. Po e mbyll me dy pika loti dhe një urim, gëzuar një vit të mbarë o ba. Të puç, goca jote.