Hasan Hamëzbalaj
NJË SHPËRBLIM TEJET I LARTË PËR TË BIJËN E NJË KOLABORACIONISTI
Sa do të doja që këtë foto të mos e shihja kurrë me këta sy…
I shumëvlerësuari për një kohë të gjatë nga ana ime, tani Kryemistri në detyrë, ALBIN KURTI në fotografi me EMILIA DANI – REXHEPI, e bija e Bejadin Danit nga Lubinja e Epërme e komunës së Prizrenit, e bija e një proserbi, i cili gjithë jetën jo vetëm se qe një proserb i përbetuar, por edhe iu shërbeu atyre me përkushtim, madje edhe me automatik në krah!
Më kujtohet në kohën e Luftës në Kosovë, përkatësisht gjatë bombardimeve të NATO-s në pranverën e vitit ’99 sesi shkonte rrugëve e shesheve të Prizrenit, gjysmë të zbrazëta nga njerëzit, me uniformë ushtarake serbe e me automatik në krah.
Sot, bija e tij, Emilija Dani-Rexhepi, gjatë gjithë pasluftës, 20 vjet me radhë qëndron në nivelet më të larta të pushtetit në shtetin e Kosovës, e Qeveria e ALBIN KURTIT e paska zgjedhur MINISTRESHË TË ADMINISTRIMIT TË PUSHTETIT LOKAL… Por edhe kjo sikur pak iu paska dukur Qeverisë Kurti për të bijën e Bejadin Danit. Kryeministri, dje, në mbledhjen e Qeverisë na e paka zgjedhur edhe një anëtar të partisë së Emilisë, d.m.th. të parapëlqyerin e saj, SEAT BILIBANIN, anëtar në Bordin e Ujësjellësit “PRISHTINA”!
Njeriu të mbetet gojëhapur nga zhgënjimi. Tek të gjithë popujt e botës kolaboracionistët me armikun janë ndjekur e ndëshkuar, sepse kanë qenë kolaboracionistë! Madje, ka ekzistuar një kujdes edhe ndaj familjarëve të tyre që, për njëfarë kohe, të mos infiltrohen e të mos ngjiten lart në pushtetin e shtetit të lirë! Kosova mbase është i vetmi shtet i botës (në tërë rruzullit tokësor) që jo vetëm se kolaboracionistët me armikun nuk i ka ndëshkuar, natyrisht familjarët e tyre edhe më pak, por – çuditërisht – edhe i ka favorizuar e i ka ngritur në nivelet më të larta të pushtetit…
KJO PO I BIE SE LE QË E BIJA E NJË KOLABORACIONISTI PO ZGJIDHET NË NIVELIN MË TË LARTË TË PUSHTETIT – M I N I S T R E S H Ë , POR KY REHAT SIKUR NUK PO MJAFTON. PO I ZGJIDHET EDHE MJË ANËTAR NGA PARTIA E SAJ NË NJË BOR TË FUQISHËM! DHE VETËM TASH REHATI DO TË JETË I PLOTË. DHE SIGURISHT SHPIRTI I KOLABORACIONISTIT NGA LJUBINJA E EPËRME E PRIZRENIT DO TË PREHET NË PAQEN E QETËSINË E PËRJETSHME.
Vërtet jemi sui generis, se jo mahi!
P.S. Më vjen keq vërtet pse edhe unë, me gjithë këtë peshë të jetës mbi shpatullat gati të thyera, u mashtrova dhe e idealizova shumë këtë figurë politike në ëndrrat e mia. Thjesht, është vetëm njëri nga politikanët e kësaj skene politike të Kosovës, të cilit, sipas gjasash, i mungon ajo më e rëndësishmja, që iu mungoi gjatë historisë gjithë shqiptarëve, e iu mungon edhe sot e kësaj dite, deri në ditën e sotme – M B A R Ë S I A !
3.4.2020 Hasan Hamëzbalaj
