I MARRI MALL
Ti u krodhe në mes valëve të lumit
Atje në ujin e kulluar , le aromën tënde…,
Unë , tani jam në shtrat ti qasem gjumit
Por, ti, lumi dhe unë , pleksemi pas një ëndrre !
Natyrisht , kjo ndodh se malli më ka marrë
Për gjithçka tënden , trupin…shpirtin e artë …,
Ti eja , sikur mbi një valë lumi të bardhë
Dhe të fiket këtë natë ky zjarr i marrë …!
– ADELINA PALI –
“””””””””””””””””””
URIME PA FUND PËR TY MAMI JONË !
Nuk është e vëshire ,të të dua tani që kuptoj
E të më dridhet zemra , për ty me gjithë shpirt …,
Sot që jam bërë vetë nënë e ndjej, e pohoj
Nenë , je frymë , dhe si fanar ,netët mi bëre dritë.
Ndër dashuritë njerzore , ndoshta më e bukura
Dashuria që nuk mund të thuhet dot me fjalë…,
Është ajo që vlen sa një milion të puthura
Dashuria e vajzës per nënën …e ëmbël mjaltë !
Prandaj sot në ditën e lindjes tënde ,o nënë
Nga zemra të uroj edhe njëqind vjet`…!
Se ti je bekimi më i madh për ne të gjithë
Je lulja e shtëpise , që sjell aromë e jetë !
Urime , urime pa fund o e shtrenjta jonë
Lus Zotin , të të japë shëndet e lumturi…!
E bekuar qofsh …dhe çdo ditë që kalon
Shpirti yt , qoftë plot shpresë e mirësi !!!
– ADELINA PALI –
-2021-
“””””””””””””””
E JOTJA FEMËR
Ti se gjen dot rrugën
për tek zemra ime …?
Mos u trishto,unë do të ta tregoj !
Të vish pa frikë ,e jo më si hije…!
Ti ndoshta druhesh, se është terr
ec i qetë drej meje, pa frikë e drojë
Për ty unë hënë e artë do të bëhem
dhe rrugën do të ta tregoj ….!
Ti je lodhur nga udha e gjatë
e shoh, buzët nga etja të janë tharë
Por unë do të bëhem ujë burimi
të lash,të freskosh gushën e bardhë !
Dhe kur dita e re, e bukur, të zbardhë
një filxhan do desha t’isha a të çast
Bashkë me kafen që shijon ngadalë
të isha rreze dielli, që ndriçon nga jashtë !
Në jetën time kam një të madhe ëndërr
“të mos duash kurrë, asnjë tjetër
të më duash fort me shpirt,me zemër
Dhe për jetë të jem e jotja femër …” !
-ADELINA PALI –
“””””””””””””””””””
KAM MALL PËR TY GJYSHE …!
Një mall të madh seç ndjeva sot
Për gjyshen e shtrenjtë , që eshtë larg…,
Eshtë ajo , më e shtrenjta në këtë botë
Dy fjalë dua të dëgjoj : ” mbesë, si të kam… ” !
Oh ,sa mall kam , zërin t’ja dëgjoj
Sa mall kam për një puthje në ball…,
Drithërohesha kur thosh : ” të dua , mbesë moj ” ,
Që dilte si mjalti nga shpirti i saj i madh !
E si mund të harroj unë darkat e bukura
Kur rreth tryezës na mblidhte ajo prore…,
Sa të shijëshme pjatat gatuar nga duart e saj
Zili do t’i kishte edhe nje familje mbretërore !
Pastaj të qetë , të lumtur shkonim të flinim
Dhe lehtë me jorganin e kuq na mbulonte…,
“Gjumë t’ ëmbël , ëndërra të bukura ” — mërmeriste
Dhe ne flinim si zogj ,se ti na beje roje …!
-ADELINA PALI –
