Dy pika loti..
Dy pika loti reja lëshoi,
Në tokë ranë si me përti,
Qenien time ajo e ndryshoi,
Mos ishin vallë lotët e mi?!.
Lotët e mija avulluan,
Në qiell u kthyen në re,
Në mëngjes ranë vesuar,
Si shiu kur bie mbi dhe.
I pyta pikat e shiut,
A jeni ju lotët e mi,
Apo jeni avujt e diellit,
Dhe në tokë vini si shi?!.
Lotët e tu ato janë,
Më foli reja nga qielli,
Mbaj t’i kesh pranë,
Lule në bahçe mbjelli.
Dhe unë, krahët i hapa,
Shiun e lotve të mi,
Retë me dorë i kapa,
Të derdheshin lotët shi.
Marina Prenga
Faqeve të tua…
Faqeve të tua,
Zbresin rruzuj loti,
Oh, sa shumë të dua.
E shtrenjta nëna ime,
Në pasqyrë të lotit,
Shoh fytyrën time,
Unë edhe Ti,
Në rruzujt e lotit,
Është një dashuri.
Nënë edhe bijë,
Oh, sa mrekulli.
Marina Prenga.
Per konkurs
Koha vodhi ditët..
Dhe koha vodhi ditë pa mëshirë,
Fluturuan ato si gjethe vjeshte,
I shpërndau era nëpër hapsirë,
Pranvera lindi të tjera gjethe.
Ditët ikin plotë dhimbje dhe lotë,
Në qiellin e zymtë i djeg rrufeja,
Por aroma e tyre nuk shuhet dot,
Se e tashmja çelë plotë lule të reja.
Kur e djeshmja të jetë harruar,
E sotmja lule do ketë lëshuar.
Marina Prenga
