Shpirti bojatis hënën.
Vashë e bukur, s’eç po vjen,
Tundet lulja, mbi kërcell,
Gjith nektar, buzë pjalmuar,
Haromë dehëse, kundërmuar.
Ç’e pret djali i malluar,
Zjar, në gjoks të përvëluar,
Tretet pjalmi krahëruar
Djelli shuhet, perënduar.
Përmbi qiell të erësuar,
Nga dremitja ,qënkan zgjuar,
Ndizen yjet shkëndijuar,
Treten syve, pasqyruar.
Shpirti flatrat hap ti nisë,
Përmbi qiell të Perëndisë,
Hënën nis të bojatisë,
Flori shkrirë, prej dashurisë.
Çupkat e qytetit.
Këmbë e bukur, shkel lëndinës,
Zbathur, ecur, me ngadalë,
Bari i njomë, ja puth tinëz,
Po pret shoqkë, a ndonjë djalë?
Flokë gjatë, si rrëkezë,
Përmbi gju, fustankë kuqe,
Sytë si nata, pis të zezë,
Mbi gjoks çelur, dy burbuqe.
Ç’pati syri, tutje mbeti,
Shoh, të tjera lule pranvera,
Si kopësht lulesh, Poradeci,
Më e bukura njëra, se sa tjetra.
23/5/2022 Rajmonda Shyta Kolvani
“”””””””””””””””””””””
Era lot me fustanin.
Fllad i majit, lozonjuar,
Ngre fustanin, fluturuar,
Vashë e bukur, turpëruar,
Poshtë gjunjëve, ul me duar.
Po, prapë era, me të shpejtë,
Se, çpo lot, ja ngre përpjetë,
Fshehur, trupit, afsh i nxehtë,
Fshehur, dashuri e fshehtë.
Sa në kët’ anë, e në atë anë,
Lëviz trupin, porsi ngjalë,
Mos vallë çunat na e panë,
Kur lot era me fustanë??
Këmbë e drejtë, si shigjetë,
Dyluftim nëpër çarçafë,
Ëndëroj, ta kem ndaj natë,
T’ja rrethoj, duart në qafë.
Ç’më qan syri, pikëluar,
Këmbë e drejtë, del zbuluar ,
Vashë e bukur, turpëruar,
Më kot gjunjëve, ul me duar.
19/5/2022 Rajmonda Shyta Kolvani
“”””””””””””””””””””””””””””
Eh, ajo natë.
Në erësirën e dendur,
Ku hëna dremiste, mbi re,
E ndrojtur, si zog i trembur,
Mu dhe…
Eh, ajo natë, sa e qetë,
Qerpikët e tu,
Rrinin, mbërthyer,
Mbyllur, pa jetë…
Nga plasaritjet,
E shpirtit tim ,
Etur, për ca gllënjqka,
Verë dashurie
Magji, ndezëse,
Vërshuan lumenjtë.
Si llavë, e shkrirë,
Përvëlonjëse, e nxehtë,
U derdhën,
Me gurgullimë,
Në një oqean kënaqësie…
Eh, të dy, si dy peshq të kuq,
Duke u përpalitur,
Rënë në rrjetë
Flori magjije,
U mbytëm, në dallgë, dalldije.
Prej dashurisë,
Llahtar të nxehtë,
Buzët dhe shpirtin dogjëm,
Bashkë me të artën rrjetë!
Eh, ajo natë,
Nuk harohet aq lehtë!
