Tërmeti..
…
Tronditi sonte Tërmeti
Duke thirrur në qetësi,
Të dëgjojë mileti
Pasanikë e varfëri.
O njerëz ku jeni
Çpo bëni e mendoni?
A kujtohi se ç’far keni?
E me këmbë ku qëndroni.
Mburri duke u krekosur
Se si shkoni në dynja,
Me tamanë e pa ngopur
Duke qënë edhe në bela.
-Mbahuni me terezi
Respektoni dhe krijuesin,
Përkrahëni pleq e axhami
Mjaft marrëzira me vurusin.
Politikë për mashtrime
Dallavere anë e mbanë,
Si të kapni përfitime
E të mposhtni nafakanë.
Pasuri quani lekun
Rri pa gjumë e numuro,
Derisa humb tepelekun
Qime leshi më nuk do..
Shkallë-shkallë pasuria
Vjen ikën e të le,
Por në kokë mençuria
Se nuk dihet se sa je.
Toka tundet e përmbyset
Shenjat duken hashiqare,
Kush gëdhihet edhe ngryset
Mendje ngopur në kamare..
