In memoriam për mikun e skenës Bajram Fazliu, i cili ndërroi jetë para tetëmbëdhjetë vjetësh. Shpirti i tij bëftë dritë në parajsë ashtu siç bëri dritë në jetë.
BAJRAN BABËS
(Bajram Fazliut)
Gjithë lotët i shterova
për mikun e mbretërisë së Talias
dhe pashë të pavdekshmen
si rishpirtërohej në buzëqeshjen e tij
E prita që të zgjohet
si në Zonën e Hijeve
kur e vritnim pabesisht
për zërin e ngritur
kundër hingëllimave të kalit të drunjtë
Trak truk trak truk
mos i besoni kalit
mos flini
ëndrra të tmerrshme do të shihni
për vrasjen e Mukailit
Heshtni heshtni
mos flini
maskat e vdekjes do t`ju gjejnë
pa e thënë fjalën e fundit
në Procesin e mëkatit
Rreth e rrotull i ra skenës
ai jetën nuk e mësoi ndryshe
i pari doli nga vdekja
dhe hyri në përjetësi.
