Urime Kosove !
Urime Kosove djepi i lirise
Urime Kosove ,djepi i trimerise
Me gjakun e djemve dardane
Fitove ,lulen e Lirise
Lotet e gezimit ,
melhem i zemres se nenave trime
Pamvaresine ta Gezosh ta Gezosh
edhe nga une ,Urime
Nje ender na vertitet ,
na vertitet si flutur
Prej nesh Jo ,nuk u tret
Ajo ender e bukur
Amaneti i pareve eh ,
i fresket mbet :
“Me nenen Shqiperi te bashkuar per jete”
Nen krahet e Shqiponjes ,
Kosove e Cameri
Nen frymarjen e saj ,
te lulezoni per jete
shpirtin Nenes e qeteson ,
vec bija e vete
Rashel Solomon
16/ Shkurt /2021
“””””””””””””””””””
Shqipja gjuha e nënës sime
Në shumë gjuhë flas unë sot
në shtegtim me zogjtë mësuar
Kulla e Babelit më pushton mendjen,
por më dalin që aty dy lumenj të kulluar:
Gjuha e të parëve, gjuha e të madhit Zot,
gjuha e Toras prej shekujsh shkruar.
Por më e bukur gjuhë në botë
është ajo e nënës sime
Shqipja gjuhë e Perëndive.
O Perëndi, për Perëndi
Shqipja është gjuhë e bukurive!
Në gjuhën e Perëndisë belbëzova,
në gjuhën e Perëndisë dashurova.
Gjuha e Nënë Terezës,
gjuha e nënës së Aleksandërit të Madh
Shqipja më e bukura në botë
ajo, gjuha e nënës sime
Kulla e Babelit nuk ma ngatërron dot
me shqipen u jap shpirt poezive.
O Perëndi, për Perëndi
Shqipja , gjuhë e mrekullive!
