KËRKOJ DRITË PËR FJALËT E MIA
-Dritë kërkoj për rrugët e mia
Kam ndezur fanarin e lapsit tim
E kam mbush me gjak të dëshmorëve
Dua të shkruaj për Trojet e Shqipeve.
-Dritë kërkoj për fjalët e mia
Kam lindur në kohën e protestave
Në atë botë qe rrugët u përgjakën
Dua të shkruaj për lavdit e trimave.
-Dritë kërkoj për martirët e atdheut
Kam nisë rrugën në nderim të tyre
Me lapsin tim të mbushur me dhimbje
Dua të shkruaj për betejat e kryetrimave.
-Dritë kërkoj për të gjitha nënat e dhunuara
Kam pa me sytë e mi plagën e tyre në jetë
Koha e tyre është kthyer në errësirë në tokë
Dua të shkruaj për lëndimin e vdekjen e tyre.
-Dritë kërkoj për fëmijët e vrarë e masakruar
Me lapsin e ndërtuar me kockat e fëmijëve
Sot dua të jem zëri i ngritur nëpërmes vargjeve
Dua të shkruaj në flamurin e gjakosur kuqezi.
-Dritë dua në këtë tokë me mjegull të natës
Unë dua të shuaj errësirën në tokën e dhimbjes
Pse me rrënoni o korba të zi kalanë prej guri
Dua të shkruaj për trojet e kthyer në gjak lirie.
© RUDI BERISHA
