Rudina Muharremi Beja

13 Prill 2021

Updated: 13 Prill 2021

VETMIA

May be an image of 1 person

Bujtina,

sa shumë bujtina

bujtur nga vetmitarë,

që botën përmes frëngjish vështrojnë,

agimet kur zbresin,

e mbrëmjet ngadalë kur shkojnë

me trishtimin e lamtumirave në shpirt…

11/04/2021

“””””””””””””””” May be an image of 1 person, standing, lule, pemë dhe ambiente të jashtme

May be an image of 1 person, standing, lule, pemë dhe ambiente të jashtme

Ishte prill…

Ishte prill, nënë…

E mban mend,

Kur në këmbim të sfilitjes së ditëve,

Buzëqeshjen e parë të dhurova

E rrahjet e shpeshta të gurgullimës jetë,

Që vrapuan me bukurinë e lotit

Duarve të tua të buta,

Që aq shumë më kishin pritur,

ndërsa zemra jote e tejmbushur

si një mrekulli mbështjellë me fërgëllimë

m’u bë strehë?

Deri atëherë

pranverat ëndrra endën,

Çelën sythe të pafajshme

e unë,

Si lundërtare shpirti

renda me to

me rrezen e vagëlluar,

Me erën e luleve që më mbarti,

Përkëdhelur alkimisë së flladeve,

horizonteve përherë e më të gjerë,

e mbi shpinën e qyteteve,

që dergjej pritjeve të përmallshme,

për t’u rikthyer gjithmonë strehës tënde

e për të të rigjetur …!

9/04/2021

“””””””””””””

Dashuri fëmije

Sa dashuri mbart përqafimi i një fëmije,

Që mbase s’patëm kohë mirë ta ndjejmë,

teksa orët e lodhura si pirg zhelesh na shtynë

sakrificash si gjethet pa jetë…

Udhëtuam në vagonë ditënetësh,

vitet duke shkelur me zinxhirë.

Ata u rritën, u plakëm ne

e s’dihet, vallë humbëm ne ndjesitë,

apo ata s’dinë të përqafojnë po aq mirë!

7/04/2021

Gjin Musa http://dritare.info/

Dritare.Info Gjin Musa, Botues

Shkrimet e fundit

Lajme relevante

LINI NJË PËRGJIGJE Anulo përgjigjjen

Ju lutemi shkruani komentin tuaj!

Ju lutem, shkruani emrin tuaj këtu

Keni futur një adresë të pasaktë email!

Ju lutem, shkruani adresën tuaj e-mail këtu

This site uses Akismet to reduce spam. Learn how your comment data is processed.