“Cikël emocional..”
——————————
Etyd..
Përmes dhimbjes edhe lotëve.
Rron në zemër një dashuri.
Kujtimet e përgjumura moteve.
Zgjojnë veç mall dhe poezi..
==========
Stacione kujtimesh..
Treni i mallit serbes rrugëton.
Plot dhimbje gjarpëron shinash.
Nëpër stacione kujtimesh gulçon.
Me sirenë psherëtimash..
==========
S’e di..
S’e di çfarë ti rrëfej kësaj nate.
Ku yjet dhe hëna shkëlqejnë plot nur.
Ndoshta një ëndërr nga kjo jetë bajate.
Apo një dashuri të bukur dikur..
==========
Stinë Lamtumirash..
Me shkëlqime boshe.
Dhe pështjellime dëshirash.
Qënka kjo vjeshtë moshe.
Një stinë lamtumirash..
==========
Serenatë..
Një kitarë e braktisur.
Varur atje në mur.
Me vargje qëndisur.
Këndonte ajo dikur..
==========
Yjet..
Thëngjijtë qiellorë.
Që llamburitin errësirës.
Janë shpirtrat njerëzorë.
Që digjen prej lamtumirës..
==========
Melankoli..
Pambarim kthesash.
Rrugëve të trishtimit.
Ura të shembura shpresash.
Rrëkeve të ngashërimit.
Dhimbje lamtumirash.
Ndarje pa kuptim.
Varreza dëshirash.
Prehen në zhgënjim..
Sajmir Çoku 06-Prill-2021
“”””””””””””””””””””””
Flakë shpirti..
Kujtimet më të bukura që ruaj prej teje.
Dhe as sytë e mi të mbushur me lot.
Flakën e shpirtit brënda meje.
Nuk arrijnë ta shuajnë dot..
Sajmir Çoku 8-Mars-2022
“””””””””””””””””””””””””
Përsëri mes ngashërimesh.
8 Marsin s’po rri pa ta kujtuar.
Dje ishe prelud ngazëllimesh.
Sot një poemë e pa përfunduar..
