SI KRISMA E NJË PUSHKE
(Nga libri “Ishull emocionesh”).
Sa shpejt ikin ditët
Si krismat e një pushke!
Ikin vitet
Si oshëtima stadiumi në fitore.
Ikën jeta
Si gjethe pemësh nëpër vjeshta.
Ne,
Pa e kuptuar,
Marramenthi
Vrapojmë të gëzuar.
Gëzimi
Derdhet në korsitë e jetës.
Djersa pikon,
Bima çel e korret,
Përsëri ne
Në marramendje jetojmë
Në të sotmen e djeshme,
Në të nesërmen e sotme,
Në fund,
Një shkop në dorë,
I vetmi që do na përcjellë
Rrugës së fundme.
Një jetë
Konvertuar
Me një shkop në dorë.
@seti pezaku vladi
30/10/2018
“”””””””””””””””””
TI DHE ËNDRRA
(Nga libri “Kuja e laureshës”)
Ëndrra e trëndafiltë,
Degëz pranvere
Në kopshtin e yjeve shkëputur,
Larë me shi dielli
E valë deti
Me buzëqeshje harkylberi,
Një rrufe kobzezë
Nga buzët e reve përplasur
Tërthorazi zbret,
Shtegun flakon,
Shkëmbin thërmon
Rrugën zenë.
Verbuar nëpër shtëllunga tymi,
Humbet
Si treni në mjegullnajë…,
Ajo
Bisht rrufeje
Degdisur nëpër re,
Ti
Lis i tharë
Me ëndrrën e trëndafiltë
Vrarë.
