ÇFARË DUHET TË JEM !?
—————————–
È ç’jam unë në këtë botë,
në këtë turmë të harbuar nga frika e stresi !?
Më thoni ;Çjam vallë ?
Mos jam një pikël e vogël në mes të oqeanit ?
Një pikël e pambrojtur që nga çasti në çast
mund të mbytem .
Më thoni .Vërtetë më thoni ;
A ekziston një fije shprese ,që unë të mbijetoj !?
Nga gjithë ky mister që i sillet globit mbi krye !?
Tentakulat misterioze mbi trurin tonë kanë zënë vend .
Drejtues i mirë na qënka ,s’ke çi thua.
Zoti duket sikur na ka “braktisur ”
Engjëjt janë me leje të zakonshme ,
Ndërsa shenjtët janë larguar .
Tani po kuptoj vërtetësinë e orëve të jetës .
Krahët e fuqishëm të zotit ,
më nuk më mbrojnë dot .
Fuqia shëruese ka humbur .
E unë mbetem një pikël e vogël e vetmuar .
Më thoni pra ,çfarë duhet të jem ..!!
Apo një statujë mbetur kohës .
Një statujë e gjallë,për të treguar orët ,
kur vitet ndërrohen…
Sherife Malo Allko
24 .01.2020
Madhështia e Shpresës
***********************
U arratisa nga një fat
më i zi se vdekja .
Aty kishte shumë dhimbje ,
shumë kujtime e njerëz egoistë ,
që prisnin shpirtin tim ta lëndonin .
U arratisa nga ky fat i zi
U çlirova ngadalë,kur pashë
një dritë shprese në horizont .
Por.. shpresa s’mbaron
dhe zemra këndon .
Shpresa ështē thesar i të varfërve
Tashmë kisha shpëtuar .
