SI DJE
Nuhi (Rexhep) Berishes
Merr rrugën tatpjet dhe zbrit
n’gjurmët e mia
të ndjej praninë n’shkëputje hapash
si dje
n’ kopshtin e shpirtit tim
t’shoh çdo ditë e lulet
t’i ujisë me duart tua
qershijat kanë mugulluar
këtë herë ndoshta nuk do t’i vretë
bryma
një shtëllungë vaji s’më
shqitet nga fyti
eh kohë o kohë
as n’thinja flokësh u zvetnuka
dashnia
zbrit rrugëve me kalldërm
sërish të ecim gjurmëve
tona pa ndrojtje
Lirisë për t’i dhënë jetë…
“””””””””””””””””””””””””””
Zoti i raketave
10 prill, 2018
Merreni or t’mjerë merreni
pak kryp nga lotët e syve t’mi
që nga dhembja po m’verbohen
gjellën e jetës time kërkojeni
shkumë helm e pelim shijon
e ta zë frymën shpejt
hajeni të tërën siç
e hëngërt jetën time shtalb
ende n’kalli
Merrni sytë e mi me bebza
të shuara anipse askujt faj i bana
n’shpirt mbillni bimën e vdekjes
nga hiri i jetës që m’ vodhët
me pahir
pa pyetur se cilat ishin andrrat e mia
Merreni pak copë nga hidhërimi
po deshët shiteni shtatoren time
për hir t’ rrëfimit me trumbetë
Oh dje, veç dje erdha n’mes flakëshe tymi pa fajin tim
memzi u mësova të thrrasë nanë
babën as nuk e njoh
e sot shkela n’tokën që
asgjë t’mirë më fali
veç trishtit rrugëve e rrënojave
veshur me krisma, gjak e britma
fëmijësh plot ankth
Pak ujë keni mëshirë
frymë nuk kam e as nuk
po shohë
as doçkat e vogla mund t’i
lëvizë për t’i fshi sytë
Ju zotrat e drejtësisë
merreni trupin tim
kushton asnjë qindarkë
balsamojeni sipas shijes tuaj
e di as nesër më patë
kur erdha n’ botë e çudirave
Një shfaqje mondane
le të luhet me shtatoren
e trupit tim n’ çdo shesh
të botës Njeri
rrëfim në secilën vetë
e fëmijët tuaj le të thurin baladën
për sytë e mi verbuar largë te ferri Siri
Një pikë ujë ju lutem ta shplaj klorin
zjarmia ma dogji fytin as kush m’dëgjon
sot as kryqi e hëna
na morën n’duart e shenjtërisë
po m’zihet fryma e shkumën
s’mund ta ndal nga goja
Zoti i raketave erdhi telef nga qielli
le të ha mishin tim me krypën e lotëve
të mi shijon gaz klori n’ferrin e lavdisë Siri
askush u kujtua për andrrat e mia
as nesër
blejeni shtatoren time kushton
asnjë qindarkë…
“””””””””””””””””””””
SA E VARFËR MBETA PA TY NËNË
