Duam paqe ,s’duam luftë !
Ska më keq se lufta ajo është mallkim
Sa më larg ta kemi, mos ja pafshim sytë
Ca mëndjen të sëmura që djallin kanë në shpirt
Botën po trazojnë ,territoret duan të zaptojnë
Kjo kuçedër zjarr po vjell, po djeg e përvëlon
Krismat jehojnë qiellit , britma dëgjohen në rrugë
Toka u përgjak , bota u lëkund
Fëmijë të traumatizuar, s’kishin parë kurrë luftë
Mos e vrisni jetën që është në rizgjim
Lereni barrin të gjelbërojë dhe sythin në lulëzim
Të vrarë ,dhimbje , lot , ankth… vendi në kaos
Popujt s’duan luftë , në paqe duan të jetojnë
Me fuqinë e shpirtit të lutem o Zot
Ndale këtë agresion, liria mbi shtypjen fitoftë
Ta shikojmë qiellin blu ,yje mbushur plot
Drita e diellit çdo mendje e zemër ndriçoftë!
26.02.2022
Silvana Çekiçi Rodi
“””””””””””””””””””””””
GËZUAR PAVARËSINË !
Jemi një komb, një trup e shpirt
Lindur nga e njëjta nënë
Rrënjët thellë i kemi shtrirë
S’na shkul dot stuhi e tufan
Moj Kosovë heroike
Çdo pëllëmbë larë me gjak
Kur ty syri të pikonte
Zemra e nënës shumë lëngonte
Plagë dhe brenga historia jote
Vraga në shpirt. .jo kurrë
s’harrohen
Sytë më lot nënat e shkreta
Eshtrat e fëmijve nuk i gjejnë as sot
Moj Kosovë sokoleshë
Gjak e besë kemi një
Gjak kastrioti na vlon në deje
Fe shqiptarinë kemi ne
Nuk u gjunjëzove moj martire
Shqiponjë e lirë sot fluturon
Gëzon çdo zemër shqiptari
Gëzuar pavarësinë Kosovë
sot e për jetë e mot !
“”””””””””””””””””””
Ku e gjen veten ti….
Disa e kanë,të tjerë e kërkojnë
dashurinë
Disa e humbin, të tjerë e gjejnë
dashurinë
Disa qeshin, të tjerë qajnë
për dashurinë
Disa gabojnë, të tjerë mësojnë
për dashurinë
Disa lumturohen, të tjerë vuajnë
për dashurinë
Disa tradhtojnë, të tjerë të besës
në dashuri
Disa paqe, të tjerë luftë
në dashuri
Disa lindin, të tjerë vdesin
për dashurinë
Disa thonë se dashuria kalon nga stomaku
të tjerë nga zemra
Disa gënjejnë veten gjithë jetën
të tjerë betohen për dashuri në përjetësi
O njeri………
Ku e gjen veten ti
në këtë dashuri ???
“”””””””””””””””””””
Përqafoni dashurinë
Një burrë dhe një grua kur dashurojnë lumturinë kërkojnë
Që të gjejnë lumturinë e vërtetë duhet besim dhe sinqeritet
Të dy duhet të kenë qëllim të përbashkët në jetë
Jeta për të dy bëhet më e bukur ,ka tjetër vlerë
Xhelozitë ,mashtrime dhe pabesitë jetën shpejt e shkatërrojnë
Largoni frikën, besoni me gjith zemër
Kështu i lirë frymon bashkëjetesa e lumtur vazhdon
Jeta nuk është gjithmonë e qetë ka ulje ngritjet e saj
Është një rrugë e gjatë me kthesa shpeshherë të forta
Po kur dashurinë me forcën e shpirtit e përqafon
Çdo sfidë që të përball jeta e fiton , triumfon gjithmonë!
