ZEMRA E KOMBIT
Kush nuk i dëgjoi të sajat rënkime
E kush nuk i dërgoi ngushëllime
Rënkime dhe ulërima të llahtarshme
Për ato jetë të pafajshme.
Për ato dashuri që mbetën lehonë
Për ato zëra që bënë jehonë
Për ato filiza që nuk u rritën kurrë
Për ato ëndrra që u varrosën nën gurë.
Rënkimet e saj u dëgjuan shumë larg
Në çdo rrugë e në çdo prag
E shkreta zemër as e gjallë e sa e vdekur
E futur nën dhe por ende e patretur.
Çdo zemër shqiptari anembanë globit
Rënkoi bashkë me zemrën e kombit
Të bashkuar rreth saj e ngushëllojmë sot këtë hallemadhe
Ngushëllimet tona për bijtë e tu zemra jonë e madhe.
Gëzime paç e kurrë dhimbje
Mos ardhtë kurrë si kjo ditëlindje
Bekuar qofsh përherë o zemra jonë
Ne jemi me ty sot e gjithmonë.
Të dua zemra ime më e bukur në botë
Lotët janë fjalët që zemra dot s’i thotë!😢😢😢😢😢😢😢😢😢
(B.Softa)
