DUA TË BËJ TË LUMTUR
Softa Poetja
Çdo natë endesh nëpër ëndërr
S’ka më të bukur perëndesh
Më lër të lutem të futem në zemër
Të bëj të lumtur, e pastaj të vdes .
Do të pres tek porta e zemrës
S’do të lodhem duke pritur
Do t’i përgjërohem çdo natë hënës
Deri kur ylli fundit të jetë fikur .
Të bëj të lumtur e pastaj të vdes
Do hyj si pika e ujit në shkretëtirë
Tek porta e zemrës do rri të pres
Kur ti t’a hapësh me dëshirë.
Dua ty të bëj të lumtur
Në zemrën tënde të lë gjurmë
Nga kjo botë kur të jem zhdukur
Të jem ëndrra jote çdo natë në gjumë .
