Gazeta “Nji Dritare e Re” me botues z.Gjin Musa i uron poetit te mirnjohure TONIN NIKOLLI Gezuar ditlindjen.Tonini eshte nder penat ma terheqese te poezis Shqiptare,eshte autor i disa librave,fitues i shume çmimeve dhe mirnjohjeve ne shkalle kombetare dhe nderkombetare.Gezuar TONIN DITLINDJEN.
7 PRILL
RRETHI I RRADHЁS
Një rreth tjetër sot u mbyll,
krejt pa ditur, pakuptuar…
Në dilemë, shpirti u ndrydh,
Çfarë vallë kam ndërtuar…
… Rreth me tulla të një kulle,
a një pusi të shterruar…?
“””””””””””””””””
6 PRILL ( suplement 2)
Do të doja,
nesër të rihapen linjat qiellore!
E di,
në një çardak reje,
do përkundë djepin tim,
shoqëruar me një ninullë malli,
Dada Tone…
“”””””””””””””
6 PRILL 2021 ( suplement)
Sot,
montohet një këmbanë e re,
për të lëshuar një tingull
më të vjetër…
Kisha ime e lashtë,
shfleton ditarin e hershëm,
për gjetur pagëzimin tim…
Për çudi,
fryn erë
dhe malet zbardhen me borë…
Kreherin me dhëmbë të gjërë,
s’e prek më me dorë…
Këngët
m’janë ndry në buzë,
gjysmë mallkim,
gjysmë lutje…
Nesër,
në pistën e përbotëshme,
fillon sprinti
i shkëputjes…
