URIME 13 VITE SHTET
Ecëm me gjoks e zemër duke luftuar
E pavarur e me Shqipërinë të jesh e bashkuar
Aromë e gjakut në çdo cep të ka mbuluar,
perden e hekurt për ta larguar.
Vitet ishin plot terr e tirani
Shpresat e ëndrrat të mbushura dashuri
Ecnim zvarrë për të ardhur tek ti
Për të marr forcë të mirët i futje në gji
E tjerët me amanetin e tyre ecnin përsëri.
Urime 13 vite shtet loqka e shqiptarisë.
Dielli perden e hekurt e ka grisë
Tash luftojmë me bërryla e nënkëmbëza për të qenë të par.
Për furdullak e karriga bëjmë garë
Urime Kosova jonë përvjetorin e pavarësisë
Këmbëmbarë në rrugën që heronjët e kanë nisë!
Karriga jote qoftë peshë e ballit të ogjakut
E kurrë e pazareve e e kushtëzuar afër lakut.
TIXHE REXHA-GËRQARI
“”””””””””””””””””””””””
IKE SHPEJT
(Eliron Shabani, 17 vjeqar)
ELIRON, ike shpejt
Ike në acarin e dimrit
që është duke na mbërdhi.
E na ngriu zemrat, vrau shpresat e ëndërrat për tënden ardhmëri
Shkolla heshti si kurrë më parë
Folën vetëm shembulli yt
e notat tua në ditar
Të dërmuar, sypërlotur
në mes vete u shikuan
nga lajmi i trishtuar që dëgjuan.
Si do duket shtëpia
që mbeti pa të vetmin zymbyl në pranverë
A do të bëhet ballë dhimbja
që ti s’troket më në derë
Ike për të na treguar se atje lart
ka një perëndi e vullneti i tij
është mbi çdo dashuri.
Pusho i qetë në përjetësi,
Do të jetosh në zemrat
e kujtimet tona gjithnji!