- Skicë për portret
- DY DJEM NË GJERMANI e DY NË KOSOVË, BABA JETON I VETËM
- Personazhi i kësaj skice nuk është imagjinuar, është real dhe jeton i vetëm. Po e shkruajme me iniciale P. Luftëtar i UÇK-së. I rrept ne betejë, sypatrembur. Ishte i martuar dhe kishte dy djem. Gruaja i vdiq pas lufte. Fëmijët e vegjël, i mori në përkujdesje vëllai i P. në Gjermani, sepse ai s’kishte fëmijë. Pas disa vitesh, martohet sërish dhe ka edhe dy fëmijë (djalë e vajzë). Punonte privat luftëtari i ndershëm P. Angazhohej kudo që e kërkonte atdheu e kombi. Martesa me gruan e dy fëmijët nuk i përshtatej. I rreptë në jetë siç është e braktisë gruan me fëmijë. Gruaja kthehet në familje të vet me dy fëmijët. P. ikën nga vendi e shtëpia e tij dhe vjen në Prishtinë. Shtëpinë, truallin dhe tokën që e kishte ua lë vëllezërve. Asgjë nuk merr me vete.
- As djemtë që i ka në Gjermani, asnjëherë nuk ka kontaktuar me ta. As ata nuk e thërrasin në telefon dhe as që kanë qenë ndonjëherë në Kosovë tek baba. P. zhgënjehet me jetën. As fëmijët që i ka në Kosovë nuk I kontakton, as që flet me ta në telefon. Në një takim që kishte ju kërkon që të rrijnë me babën. Fëmijët nuk largohen nga nëna. Ky sërish zhgënjehet. Nuk e kthen më kokën mbrapa: as për fëmijët, as për pasurinë që e kishte, as për shtëpi e truall. Ua dhuroi vëllezërve. Jeton I vetëm në banesë private. Mund ta takoni çdo ditë në kaffe në Prishtinë dhe në Tiranë.
- – Eja, prof. e pijmë kaffen e mëngjesit bashkë- më thirr në telefon P. Ulemi e bisedojmë. Duhanin s’e ndal asnjëherë. E kam edhe personazh në romanin që e kam në dorëshkrim. Mendjen e ka açik.
- – P. dua që t’i takosh fëmijët –
- – Prof. është punë e mbaruar ajo. Dhe cigaren e shtrëngon fort në gishtrinjë.
- Nuk e ngas më shumë. Ia njoh vuajtjet. Sot është këtu e nesër niset për në Tiranë. As koha e pandemisë nuk e ndalte. Shkonte e vinte në Tiranë e në Prishtinë. Vonë niset nga kaffja për në banesë. Por, gjumë për P.nuk ka. Flen shumë pak. Punon zanat. Meremeton rrymë, ujë, kanalizim….Jeta e katandisi kështu. Ndoshta fëmijët që i ka në Gjermani një ditë do ta thërrasin e të afrohen tek baba I tyre. Ndoshta edhe këta në Kosovë përmallohen për babën. E, baba P. jeton I vetëm. Pa grua, pa fëmijë, pa shtëpi, pa tokë, pa….. I tillë është personazhi im në këtë skicë. Është real. Flas, rri dhe pijmë kaffe shpesh…..
- P.S. Asnjë citat nuk ka të drejtë askush ta marrë e as ta postoj, pa autorësinë time.
- © të drejtat e rezervuara për autorin Lan Qyqalla. Prishtinë, 10 korrik 2021
