BOTOHET VËLLIMI POETIK “BLIC” ME 232 POEZI TANKA E AUTORES FERASET PEZAKU VLADI, FORMË E RE E KRIJIMIT ARTISTIK. Të nderuar miq, krijues dhe lexues të rregullt të librit! Ju bëj me dije se doli nga Shtëpia Botuese prestigjoze “Erik” vëllimi im i ri poetik “BLIC” me 232 poezi Tanka, duke u prezantuar para jush me një formë të re të krijimit artistik. Falenderoj përzemërsisht gjithë stafin drejtues dhe ekzekutues, Artin Grafik dhe realizimin e Kopertinës të kësaj shtëpie botuese të cilët realizuan me cilësi të lartë libërin tim artstik! Falenderim i veçantë shkon për redaktoren përgjegjëse Znj.Dëshira Jazexhiu! Me Respekt për ju, Autorja Erik Botime “BLIC” nga Feraset Pezaku Vladi ( Seti Pezaku Vladi ) BOTIM I RI Libri me 232 Tanka është botimi më i ri, i hedhur në treg nga Shtëpia Botuese “Erik”.
Me këtë libër autorja vjen tek lexuesi me një formë të re artistike të krijimit poetik, siç është forma Tanka, të shtrira këto në kohë dhe hapësirë, me larmi tematikash të pasura e të shumanshme ku gjendet e djeshmja, e sotmja dhe e nesërmja. Ky individualitet poetik me temperament dinamik, krahas të gjitha formave krijuese të poezisë sjell me këtë lloj forme arti, ngjyra të forta shprehëse, elokuencë e lakonizëm. Ky libër është një pasqyrë që tregon njohjen e mirë të teknikave të shkrimit dhe konsolidimin artistik të autores. Libri gjendet në të gjitha libraritë e Tiranës dhe Durrësit. Ditët në vazhdim do e gjeni në të gjitha libraritë në Shqipëri dhe Kosovë.
