Drita Kosumi-Syla u lind më 20.08.1967 në Fsh.Vendenis të komunës së Besianës. Pas mbarimit të shkollës fillore,në vendlindjen e saj,vijoi shkollimin e mesëm në Besianë!
Ka ndjek studimet në Fakultetin e Filologjisë,dega Letërsi dhe Gjuhë Shqipe. Shkrimet e para poetike të Dritës, i takojm në fletushkën e shkollës,për të defiluar pastaj edhe në faqet e revistave dhe gazetave për femijë dhe të rritur.Është prezantuar në shumë Antologji poetike brenda dhe jasht vendit. Deri më tani ka botuar këto vëllime poetike:
“ Falma këngën varg” , 2015.
“ Mos ma kërko ikjen” ,2016.
” Gjethet do t’i pres në dorë” ,2018.
“ Diell jete”- poezi për fëmijë, 2019.
“ Lirikat vallëzojnë me ritëm” ,2020.
Herë pas here poezitë e saj i gjejmë në shtypin kohor në Kosovë ,Shqipëri Gjermani,Zvicër,Suedi etj!
Drita është anëtare e LSHK-së dhe është nderuar me Çmime,Mirënjohje nga Shoqata të ndryshme të trevave mbarë shqiptare!
Autorja jeton dhe vepron në Prishtinë,prej nga zëri i saj poetik shpërndahet tek adhuruesit e poezisë,duke sjelleur frymën e saj krijuese!
“””””””””””””””””
Sot me 21.09.2018 në B.K. Prishtinë,pikërisht në Ditën e Paqes, LSHK-ja mbajti Akedemi Letrare për Adem Demaçin!
Shkrimtar dhe poetë nga shume vise lexuan poezi përkushtuese për heroin e gjallë,shkrimtarin Adem Demaçin.
Nga 30 poezi,juria në përbërje:
Trandafile Molla
Bedri Halimi
Abdyl Kadolli
Tri poezitë me vlera artistike u ranguan në listën e ngushtë:
Ibrahim Skenderi fitues i një kompleti veprash të Adem Demaçit.
Milazim Kadriu
Drita Kosumi Syla
Ndihem e lumtur që në mesin e 30 poetëve,poezia ime u vlerësua ndër tri më të mirat!
Faleminderit jurisë,suksese pjesëmarësve!
“””””””””””””””””
Hallat
Hallat e mia ishin si Zana mali
burrërore e punëtore, nëna shembullore.
Hallën Havë, Zoti e mëshiroftë
na la kujtime të mira,
Halla Zet’hane grua e çeliktë
në ato kohë të vështira.
Hallat e mia fisnike,
i fshihnin përjetimet e rënda.
Nëna ime na thoshte:
Hallat janë si nëna,
hallat janë si motra,
kur të vijnë ato gëzohet votra!
“””””””””””””””””””””””””””
DUKE PRITUR ATË RRUGË
Duke pritur atë rrugë
m’u duk mos është Rruga via Egnatia
apo fryma dhe jeta e Alpeve
që ligjëron ligjërim zanash , njerëzish.
Po pritja një ditë
do të merrë fund
se vetë bjeshkët do të çahen
me erupcionin e dëshirës dhe dashurisë
që duan udhëtim- kërkim
për t’i dhënë shpirt , bukuri
drunjve, lumenjve, gurëve, njerëzve.
Atëherë qytetet do të bëhen kështjella
ne do të hymë në to
ta gëzojmë dritën
ta kujtojmë djersën, zemrën , shpirtin
Duke pritur një rrugë të dashurisë
do t’i shembim hipokrizitë.
Prishtinë, shtator 2021
